ТАШКИЛУ БАРГУЗОРИИ КУРСҲОИ ТАКМИЛИ ИХТИСОС ВА БОЗОМЎЗӢ ДАР МУАССИСАИ ДАВЛАТИИ ТАЪЛИМИИ КОЛЛЕҶИ МУҲАНДИСИЮ ОМЎЗГОРИИ ШАҲРИ ДУШАНБЕ

Маркази такмили ихтисос ва бозомўзии кадрҳои Донишгоҳи давлатии омӯзгории Тоҷикистон ба номи Садриддин Айнӣ тибқи дастури ректори Донишгоҳ , профессор Ибодуллозода А.И. оид ба ташкили курсҳои такмили ихтисос барои омўзгорони муассисаҳои таҳсилоти миёнаи касбӣ ва бо мақсади дар амал татбиқ намудани дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати баланд бардоштани сатҳи дониш ва касбияти омўзгорон дар ҳамаи зинаҳои таҳсилот, инчунин дастури Вазири маориф (ҷаласаи мушовараи Вазорати маориф ва илм аз 05.07.2022) бо мақсади баланд бардоштани маҳорату малакаи касбии омўзгорони муассисаҳои таҳсилоти миёнаи касбӣ дар Муассисаи давлатии таълимии Коллеҷи муҳандисию омўзгории шаҳри Душанбе курсҳои равияи педагогика, психология ва фанҳои дақиқро оғоз намуд.

ОҒОЗИ ДАВРИ ДУЮМИ КУРС – ТРЕНИНГ

Маркази такмили ихтисос ва бозомўзии кадрҳои Донишгоҳи давлатии омӯзгории Тоҷикистон ба номи Садриддин Айнӣ бо мақсади иҷроиши бандҳои дахлдори “Барномаи давлатии такмили таълим ва омўзиши забонҳои русӣ ва англисӣ дар Ҷумҳурии Тоҷикистон барои давраи то соли 2030” такмили маҳорату малакаи касбии омўзгорони фанни забони англисӣ ва сайқал додани раванди таълиму омўзишу забони англисӣ ва дар доираи ҳамкориҳои судманд бо ташкилоти ҷамъиятии “Дурахши маърифат” даври дуюми курс - тренингро барои омўзгорони фанни забони англисӣ дар донишгоҳ оғоз намуд.

Баргузории тренинги мазкур дар факултети филологияи тољик бо иштироки муовини ректор оид ба корҳои илмӣ, д.и.ҳ. профессор Сангинзод Д.Ш., сардори Маркази такмили ихтисос ва бозомўзии кадрҳо Азимов М., менеҷери барнома Мирзовафоева Г. ва 10 нафар омўзгорони факултети забони англисӣ ва забонҳои Шарқ баргузор гардид.

РЕКТОР: ДАР ФАКУЛТЕТҲО ГУРУҲҲОИ РУСӢ ТАЪСИС ДОДА ШАВАД!

Аҳлиддин Ибодуллозода, ректори Донишгоҳи давлатии омӯзгории Тоҷикистон ба номи Садриддин Айнӣ имрӯз зимни ҷаласаи корӣ деканони факултетҳоро вазифадор намуд, ки дар назди факултетҳо гуруҳҳои таълимашон ба забони русӣ таъсис дода шавад.
Ректори донишгоҳ изҳор дошт, ки масъалаи рушди забони тоҷикӣ ҳамчун забони давлатӣ ва забони русӣ чун забони муоширати байни миллатҳо аз самтҳои афзалиятноки сиёсати Ҳукумати Ҷумҳурии Тоҷикистон дар соҳаи маориф маҳсуб мешавад. Дар ин замина таъсиси гуруҳҳои таълимашон ба забони русӣ дар факултетҳо аз татбиқи сиёсати ҳукумати кишвар дарак медиҳад.

ДАРСИ КУШОДИ ТАРБИЯВӢ ДАР ФАКУЛТЕТИ ЗАБОНҲОИ РОМАНӢ-ГЕРМАНӢ

Дар таърихи 28-уми ноябри соли 2022 дар факултет забонҳои романӣ-германӣ бахшида ба қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” дар гурӯҳи 110, ихтисоси забони муосири олмонӣ-тарҷумон дарси кушоди тарбиявӣ баргузор карда шуд. Дар дарси кушод декани факултет Қувватова С.М., раиси Иттифоқи касабаи донишҷӯён Раҷабов Д., мудири бахши кор бо занону бонувон Далатзода М., мутахасиси шуъбаи тарбия Исломзода Ф., мудири шуъбаи кор бо ҷавонон Каримов Д. ва як зумра устодону донишҷӯён ширкат намуданд.
Дарсро Мадиева У., сарпарасти гурӯҳ ҳусни оғоз бахшид. Баъдан донишҷӯён барномаи омода намудаи худро, ки аз маърӯза, сурудхонӣ ва саҳначаи тарбиявӣ иборат буд, пешкаши ҳозирин намуданд.

БАРРАСИИ ҲИСОБОТИ СОЛОНАИ ФАЪОЛИЯТИ ИЛМИИ ФАКУЛТЕТИ ГЕОГРАФИЯ

Тибқи нақша дар таърихи 28 ноябри соли 2022 дар факултети географияи Донишгоҳи давлатии омӯзгории Тоҷикистон ба номи Садриддин Айнӣ ҷаласаи ҳисоботӣ баргузор гардид, ки дар он муовини ректор оид ба корҳои илми донишгоҳ, профессор Сангинзод Д.Ш., сардори раёсати илм ва инноватсия Идиев С., сардори раёсати таълим Сулаймонов И., мудири бахши табъу нашр Мардонзода Ҷ.,  садорати факултет, мудирони кафедраҳо ва як қатор омӯзгорон-аъзои шурои олимони факултет  ширкат варзиданд.

Ҷаласаи ҳисоботиро декани факултет Қаландаров А. ифтитоҳ намуд, Сипас ҳисоботи солонаи фаъолияти илмии факултет аз тарафи муовини декан оид ба корҳои илмӣ Имомов А. ироа гардида, мавриди баррасӣ қарор дода шуд.Вобаста ба нуқсу камбудиҳои ҷойдошта эроду музокираҳо пешниҳод гардиданд.

БАРРАСИИ ФАЪОЛИЯТИ ИЛМИИ ФАКУЛТЕТИ ХИМИЯ

Тибқи супориши ректори Донишгоҳ, профессор Аҳлиддин Ибодуллозода дар факултетҳои донишгоҳ ҷалсаи ҳисоботи солонаи бахши илм баргузор гардида истодааст. Ҳамин тавр дар таърихи 26 ноябри соли 2022 ҷаласаи ҳисоботӣ дар факултети химия баргузор карда шуд. Дар он муовини ректор оид ба корҳои илмӣ, профессор Сангинзод Д., сардори раёсати илм ва инноватсия Идиев С., сардори раёсати таълим Искандаров С., садорати факултет, мудирони кафедраҳо ва омӯзгорон иштирок карданд. Декани факултет Муродов Д. ҳисоботи солонаи бахши илми факултетро ироа намуда, оид ба дастоварду камбудиҳо маълумоти муфассал дод. Сипас, аз тарафи ҳайати комиссия ба масъулини факултет барои боз ҳам равнақ донади илм дар факултет ва инчунин ҳарчи зудтар бартараф намудани камбудиҳои мавҷуда маслиҳатҳо дода шуданд.