НАМОИШ-ЯРМАРКАИ БАЙНАЛМИЛАЛИИ «МАОРИФИ РОССИЯ. ТОҶИКИСТОН-2022"

10 июни соли 2022 дар Китобхонаи миллии Тоҷикистон даҳумин намоиш-ярмаркаи байналмилалии «Маорифи Россия. Тоҷикистон-2022» оғоз гардид. Дар ин намоишгоҳ 34 донишгоҳи Федератсияи Россия, 4 филиали донишгоҳҳои Маскав дар Тоҷикистон ва донишгоҳҳои Ҷумҳурии Белорус муаррифӣ шуданд.

Идомаи чорабинӣ имрӯз (11.06.2022) дар Китобхонаи миллии Тоҷикистон аз соати 9:00 то 17:00 идома дорад.

Хатмкунандагони дараҷаи бакалавриат барои дохилшавӣ ба зинаи магистратураи донишгоҳҳои хориҷӣ кишвар метавонанд ба Маркази барномаҳои байналмилалии Вазорати маориф ва илми Ҷумҳурии Тоҷикистон муроҷиат намоянд.

ҒОЛИБИЯТИ УСТОДИ ДОНИШГОҲ ДАР ОЗМУНИ БАЙНАЛМИЛАЛӢ

4 июни соли 2022 дар шаҳри Нурсултони Ҷумҳурии Қазоқистон озмуни байналмилалии олимони ҷавони муассисаҳои илмию таълимии кишварҳои ИДМ такҳти унвони «Беҳтарин олими ҷавон», ки бо ташаббуси Ассотсиатсияи байналмилалии олимони ҷавони Қазоқистон бо дастгирии Ассотсиатсияи Ҳаракати миллии «Бобек» - и ҳамин кишвар ташкил шудааст, баргузор гардид. Дар озмуни мазкур омӯзгорон, аспирантҳо, ва фаъолони маҳфилҳои илмии донишҷӯёни донишгоҳҳои ИДМ ширкат варзиданд.

АТТЕСТАТСИЯИ УСТОДОНИ ДОНИШГОҲ

Бо мақсади натиҷагирӣ аз хулосаи Комиссияи аттестатсионии Дастгоҳи иҷроияи Президенти Ҷумҳурии Тоҷикистон дар соли 2020, муайян намудани дараҷаи салоҳиятнокӣ доир ба вазифаи ишғолнамуда, сафарбарнамоӣ ба рухсатии эҷодӣ, гузариш аз такмили ихтисос, таъмини ҳифзи иҷтимоӣ, қобилияти корӣ, мувофиқати имконияти ҷисмонӣ, синнусолӣ, зеҳнӣ, муайян намудани сатҳи дониш (забондонӣ, қобилияту маҳорати ҳуҷҷатниорӣ, истифодаи технологияи иттилоотӣ), ҳамчунин беҳтар гардонидани сатҳи сифати таҳсилот, тақвияти нерӯи (потенсиали) илмии донитшгоҳ ва баланд бардоштани мақоми омӯзгор дар Донишгоҳи давлатии омӯзгории Тоҷикстон ба номи Садриддин Айнӣ 6 июни соли 2022 аттестатсияи ҳайати омӯзгорон (ассистентон ва муаллимони калони беунвон) оғоз гашта, то 21 июни соли 2022 давом хоҳад ёфт.

Ташрифи намояндаи АКД Ҷопон ба донишгоҳ

6 майи соли 2022 намояндаи Ассотсиатсияи кӯмак ва дастгирии Ҷопон дар Ҷумҳурии Тоҷикистон Ариса Саито ба Донишгоҳи давлатии омӯзгории Тоҷикистон ба номи Садриддин Айнӣ ташриф оварда, аз ҳолати роҳҳои махсус барои ашхоси имконияташон маҳдуд, ки аз тарафи АКД Ҷопон дар доираи “Лоиҳаи таҳияи Барномаи таълимии курсҳои такмили ихтисоси омӯзгорон дар мактабҳои олӣ барои рушди таҳсилоти фарогир” дар даромадгоҳҳои бинои асосӣ, биноҳои таълимӣ, китобхонаи донишгоҳ, маркази машваратӣ, шуъбаи таҳсилоти фосилавӣ, маркази қабули имтиҳонҳо, майдончаи варзишӣ ва дигар сохтору шуъбаҳои лозима бунёд гардида буданд, дидан кард ва ба истифодабарии онҳо дар донишгоҳ баҳои баланд дод.

ФОРУМИ ОМӮЗГОРИИ ТОБИСТОНАИ БАЙНАЛМИЛАЛӢ

Санаи 1-ум июли соли 2022 дар шаҳри Маскав Форуми омӯзгории тобистонаи байналмилалии “Ҷамъиятҳои муассисаҳои таълимӣ ва навгониҳо” баргузор мегардад. Ташкилкунандагон — Фонди Рибаков, Мактаби педагогии Донишгоњи федералии Далнивосток ва Институти таҳсилоти Мактаби олии иктисодиёти Маскав.

Ҳадафи форуми мазкур - ин рушди ҷомъиятҳои педагогӣ: ташаккули робитаҳои уфуқӣ байни иштирокчиён, таҳкими робитаҳои тарафайн, муҳокимаи навовариҳо дар соҳаи маориф мебошад. 

ҶАЛАСАИ НАВБАТИИ ШӮРОИ ОЛИМОНИ ДОНИШГОҲ БАРГУЗОР ГАРДИД

2 июни соли 2022 ҷаласаи навбатии Шӯрои олимони Донишгоҳи давлатии омӯзгории Тоҷикистон ба номи Садриддин Айнӣ баргузор гардид. Дар кори ҷаласа масъалаҳо оид ба рафти баргузор намудани аттестатсияи аспирантону унвонҷӯён, оиди натиҷагирии даври фаъоли сессияи тобистонаи донишҷӯёни хатмкунандаи ихтисосҳои омӯзгорӣ, оиди вазъи иҷроиши корҳои илмӣ-таҳқиқотӣ ва тайёр намудани кадрҳои илмӣ-педагогӣ дар факултетҳои равияи илмҳои педагогӣ ва доир ба вазъи иҷрои нақшаи кории қисми тарбия дар асоси консепсияи миллии тарбия дар Ҷумҳурии Тоҷикистон баррасӣ гардиданд.

СЕМИНАРИ ИЛМӢ РОҶЕЪ БА МУШКИЛОТИ МУОСИРИ ЭКОЛОГӢ

2 июни соли 2022 дар Донишгоҳи давлатии омӯзгории Тоҷикистон ба номи Садриддин Айнӣ семинари илмӣ-фарҳангӣ дар мавзуи “Мушкилоти муосири экологӣ” ба муносибати 80-солагии доктори илмҳои биология, профессор Абдуллоҷон Эргашев баргузор гардид. Семинарро декани факултети география дотсент Аҳрор Қаландаров ҳусни ифтитоҳ бахшида, риштаи суханро ба ректори донишгоҳ профессор Нуъмонҷон Ғаффорӣ дод. Ректори донишгоҳ зимни баромади худ аз саҳми профессор Абдуллоҷон Эргашев дар рушди илми тоҷик ёдовар шуда, қайд кард, ки мавсуф муаллифи зиёда аз 305 кори илмӣ, аз ҷумла 4 ихтироот, 8 монография ва 9 китоби дарсӣ мебошад. Инчунин таҳти роҳбарии ӯ 10 нафар рисолаи худро бомуваффақият дифоъ намудаанд.

ИШТИРОКИ ОМӮЗГОРОНИ ДОНИШГОҲ ДАР СИМПОЗИУМИ ОНЛАЙНИИ ОСИЁИ МАРКАЗӢ

26 майи соли 2022 "Симпозиуми онлайнии Осиёи Марказӣ - Семинар оид ба тасдиқи консепсияи ҳисоботи минтақавӣ доир ба сиёсати муносибат ба омӯзгорон" баргузор гардид, ки дар он омўзгорони кафедраҳои тахассусӣ ва умумидонишгоҳии Донишгоҳи давлатии омӯзгории Тоҷикистон ба номи Садриддин Айнӣ низ ширкат варзиданд. Семинари мазкур дуюмин дар силсилаи семинарҳои муштаракест, ки аз ҷониби ЮНЕСКО ва Бонки Ҷаҳонӣ таҳти унвони «Омӯзгорони соҳибихтисос - Миллати соҳибихтисос» ташкил карда мешавад. ЮНЕСКО ва Бонки Ҷаҳонӣ дар ҳамкорӣ бо вазоратҳои маорифи Ҷумҳуриҳои Қазоқистон, Қирғизистон, Тоҷикистон ва Узбакистон бо ҷалби коршиносонӣ хориҷӣ ва мушовирони маҳалӣ сохтори ҳисоботи минтақавиро доир ба сиёсати нисбати омӯзгорон дар Осиёи Марказӣ муаррифӣ намуданд.