ОЗМУНИ “ОФТОБИ ТАРБИЯТ”

11 марти соли 2022 дар толори ба номи Холиқ Мирзозодаи факултети филологияи тоҷики Донишгоҳи давлатии омӯзгории Тоҷикистон ба номи Садриддин Айнӣ даври ниҳоии озмуни “Офтоби тарбият” баргузор гардид. Дар он ғолибони даврҳои қаблӣ иштирок карданд. Иштирокдорон ба суолҳои ҳакамон посухҳо дода, пурсишномаҳоро пур карданд.

МОДАР-САОДАТИ ЗИНДАНГӢ

5 марти  соли 2022 дар факултети физикаи Донишгоҳи давлатии омӯзгории Тоҷикистон ба номи Садриддин Айнӣ чорабинии фарҳангию фароғатӣ бахшида ба Рӯзи модар таҳти унвони «Модар-саодати зиндагӣ» баргузор гардид. Нахуст декани факултет, дотсент Абдуғаффор Наxмиддинов ҳозиринро ба муносибати Рeзи модар ва фарорасии баҳор табрик намуд.  Сипас, донишҷӯён барномаи фарҳангии омодакардаашонро пешкаши ҳозирин карданд.

ТАБРИКОТИ
Ректори Донишгоҳи давлатии омӯзгории Тоҷикистон ба номи Садриддин Айнӣ
доктори илмҳои таърих, профессор ҒАФФОРӢ НӮЪМОНҶОН УСМОНЗОДА
бахшида ба Рӯзи модар

ТАҶЛИЛИ РӮЗИ МОДАР ДАР ДОНИШГОҲ

4 марти соли 2022 дар Донишгоҳи давлатии омӯзгории Тоҷикистон ба номи Садриддин Айнӣ чорабинии фарҳангӣ-фароғатӣ бахшида ба Рӯзи Модар таҳти унвони “Зан-Модар – тараннумгари меҳру сафо” баргузор гардид. Дар чорабинии мазкур меҳмонон аз Вазорати маориф ва илми Ҷумҳурии Тоҷикистон, Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Кумитаи кор бо занон ва оилаи назди Ҳукумати Ҷумҳурии Тоҷикистон ва Кумитаи иттифоқи касабаи кормандони маориф ва илми Ҷумҳурии Тоҷикистон ширкат варзиданд. Чорабиниро ректори донишгоҳ профессор Нуъмонҷон Ғаффорӣ оғоз бахшида, меҳмонону иштирокчиёнро ба ин рӯзи фархунда табрик кард. Мавсуф зимни табрикоти хеш иброз дошт, ки зан – модар неъмати рӯи дунё, сарчашмаи муҳаббати беканор, чашмаи мусаффо ва махзани ганҷи фарзанд мебошад.

ПРОБЛЕМАҲОИ ГЕНДЕРӢ ВА ҲАЛЛИ МАСЪАЛАҲОИ ЗАНОНУ ДУХТАРОН

03 марти соли 2022 дар Донишгоҳи давлатии омӯзгории Тоҷикистон ба номи Садриддин Айнӣ бахшида ба “Рӯзи модарон” мизи мудаввар дар мавзӯи “Проблемаҳои гендерӣ ва ҳалли масъалаҳои занону духтарон” баргузор гардид. Дар мизи мудаввар сардори раёсати кор бо занон ва оилаи мақомоти иҷроияи ҳокимияти давлатии шаҳри Душанбе Зарина Зуҳурзода, директори муассисаи худшиносии бонувон дар шаҳри Душанбе Манзура Саломова, муовини ректори донишгоҳ оид ба корҳои тарбиявӣ Ҷамила Мусоҷонзода, профессори кафедраи педагогикаи махсус ва таҳсилоти фарогир Бибиҳафиза Маҷидова ва ассистенти кафедраи умумидонишгоҳии асосҳои технологияи информатсионӣ Гулшан Ҷураева иштирок ва маърӯза карданд.

ДАРҲОИ ДОНИШГОҲ БА РӮИ ДОВТАЛАБОН БОЗ АСТ!

3 марти соли 2022 ҷиҳати ҷалб кардани довталабон ба Донишгоҳи давлатии омӯзгории Тоҷикистон ба номи Садриддин Айнӣ “Рӯзи дарҳои кушод” баргузор гардид. Намояндагони донишгоҳ хатмкунандагонро хуш истиқбол гирифта, маводи тарғиботиву ташвиқотиро дастраси онҳо гардониданд.

САД ҶОНУ ДИЛ ФИДОИ ЯК МУДДАОИ МОДАР

2 марти соли 2022 дар толори бинои асосии Донишгоҳи давлатии омӯзгории Тоҷикистон ба номи Садриддин Айнӣ конференсияи илмӣ-амалӣ таҳти унвони “Сад ҷону дил фидои як муддаои модар” бахшида ба “Рӯзи бонувон” баргузор гардид. Конференсияро Маҳмудзода Нусратулло – мудири бахши кор бо ҷавонон ва варзиши ноҳияи Исмоили Сомонӣ оғоз бахшида, доир ба мақому манзалати зан - модар дар ҷомеаи имрӯзаи кишвар сухан ронд. Сипас, Гулзод Маҳкам – муовини сардори Раёсати кор бо ҷавонон ва варзиши шаҳри Душанбе баромад намуда, иброз дошт, ки зан – модар нигоҳдорандаи чароғи ҳар як хонадон, илҳомбахши эҷодиёти шоирону мусаввирон, бастакорон ва умуман бақои зиндагии инсон аст.

РӮЗИ ДАРҲОИ КУШОД

Ба таваҷҷӯҳи хатмкунандагони муассисаҳои таҳсилоти миёнаи умумӣ расонида мешавад, ки 3 марти соли 2022 аз соати 8:00 то соати 12:00 дар Донишгоҳи давлатии омӯзгории Тоҷикистон ба номи Садриддин Айнӣ “Рӯзи дарҳои кушод” баргузор мегардад.

МАРҲАМАТ БА ДДОТ БА НОМИ С. АЙНӢ!