• Тоҷикӣ
  • Русӣ
  • Англисӣ

Ду донишҷӯ дар як хона иҷора менишастанд. Яке аз радиомонии дигараш дилтанг шуду гуфт:

-Имшаб радиоатро ба ман иҷора деҳ.

-Чӣ, ягон барномаи махсусро шунидан мехоҳӣ?  пурсид донишҷӯи якум бо тааҷҷуб.

-Не, мехоҳам, ки оромона хоб равам.

***

-Ту бекорӣ?

-Не.

-Кори шумо бисёр аст?

-Ба сархорӣ ҳам дастам намерасад.

-Шумо чӣ?

-Барои сарбардорӣ ҳам вақт надорем,-то ки сардор ягон кори дигар

нафармояд, -коргарон яке аз паи дигаре баҳона пеш меоварданд.

-Хайр, чӣ илоҷ,-дар охир гуфт сардор.- Аз ҳама камкор худи ман

будаам . Барои дамгирӣ ба Сочӣ як роҳхат омада буд.  Маҷбур, ки

акнун худам равам.

***

Мулло Мушфиқӣ ба писарчаи ҳамсоя гуфт:

-Ту барои чӣ имрӯз мисли пештара аз ман пул намепурсӣ?

-Чӣ фоида, аз дусар онҳоро баъди рафтани шумо аз ман модарам

мегирад,-гуфт писарча.

***

Муаллими  забони модарї ба талабагон вазифаи хонагӣ дод, ки ба

ду исм даҳ феъл ҳамроҳ карда, ду ҷумла созед.

-Хуб, ту чӣ навиштӣ?-пурсид муаллим аз Диловар. Диловар аз ҷояш хеста хонд:

-Модарам тайёр мекунад, меғундорад, медӯзад, мешӯяд ва дарзмол менамояд. Падарам мекашад, мехӯрад, менӯшад, мехонад ва хоб мекунад.

***

Беморро аз мизи ҷарроҳӣ ба палата оварданд. Вай оҳи сабук кашида гуфт:

-Ҳазор бор шукр, ҳамааш нағз гузашт…

-Саросема нашавед, ҷӯра!-пичиррос зад беморе.

-Духтур дар шиками ман рӯдаи хунгузарониро фаромӯш карду барои гирифтани он дубора ҷарроҳӣ намуд…

- Дар шиками ман бошад, қайчиро фаромӯш кард,-ғурунгид бемори дигар.

Дар ҳамин асно духтури ҷарроҳ дарро кушоду пурсид:

-Ҳеҷ кас кулоҳи маро надидааст?

***

Пирамарде писари ҳамсояро пои луч дида гуфт:

-Магар айб нест, ки писари пойафзолдӯз пои луч мегардад?

-Бародари шумо, амак, духтури дандон аст, аммо писарчааш бе дандон мегардад,-ҷавоб дод писарча.

***

Мулло Мушфиқӣ мушовири шуъбаи назми маҷаллаи адабӣ буд.

Боре мудир аз вай пурсид:

-Шеъри Ҳавасӣ бамаза аст ё бемаза?

-Намедонам,-ҷавоб дод Мулло Мушфиқӣ,-ҳанӯз начашидаам.

Гирдоварии Хуршед НУРАЛИЕВ

 
free pokerfree poker

Номи пурра: Донишгоҳи давлатии омӯзгории Тоҷикистон  ба номи Садриддин Айнӣ

Суроға:, 734003, шаҳри Душанбе, хиёбони Рӯдакӣ 121
Телефон: +992(37) 224-13-83

WWW: www.tgpu.tj

E-mail: tgpu2004@mail.ru