• Тоҷикӣ
  • Русӣ
  • Англисӣ

Таърихи кафедраи педагогикаи умумӣ

Аз   рӯзи  аввали  фаъолияти   донишкадаи   омӯзгорӣ   соли 1931 кафедраи  педагогика  ва  психология  ташкил карда  шуд.   Вазифаи асосии   кафедра тайёркардани  мутахассисон  барои фаъолияти педагогӣ  буд.   Дар   солҳои  аввали  таъсисёбии  кафедра   устодони  он  аз педагогика,    назария  ва    таърихи    педагогика ба  донишҷӯён  дарс  мегуфтанд.

Дар   байни 3 омӯзгори  нахустини кафедраи  педагогика  Баҳоваддинов А.М.   (баъдан академики  АИ   Тоҷикистон, доктори  илмҳои    фалсафа,    профессор )  ба    донишҷӯён   аз равоншиносӣ  ва  педагогика  дарс    мегуфт.   Аз  17   мартисоли  1933 боқарори   Коллегияи    Комиссариати   маорифи халқии  Тоҷикистон ба устод  Баҳоваддинов А. М.   унвони   дотсентӣ    дода  шуда   буд. Солҳои    1935–1936    Баҳоваддинов А. М.   ба    вазифаи   мудири  озмоишгоҳи  педагогика-психология     таъин   карда  шуд.   Барои  хондани   лексия   аз таърихи   педагогика,   педагогикаи  наврасон  ва  равоншиносии  эксперименталӣ   ба   кафедра   Алӣ  Озарӣ   (аз   Озарбойҷон ) даъват  карда   шуд,   ки  бо    забони   точикӣ-форсӣ    дарс  мегуфт.

Дар нимаи солҳои  30-юм   вазифаҳои     кафедра васеъ  гардиданд.  Зарурати  барои хондани  лексияҳо ҷалб намудани  омӯзгорони нав ба миён  омад.    Аз    соли  1936   устодони   кафедра   профессор  Чапигава дотсент  Пинт А. О.,   баъд  узви   пайвастаи   Академияи илмҳои  педагогии    ИҶШС,   доктори    илмҳои   педагогӣ,     профессор   Беркович Э. К.   ба   донишҷӯён  аз   педагогика   дарс      мегуфтанд. Олимони    номбурда   дар   тарбияи   кадрҳои   педагогии   мактаби   олии ҷумҳурӣ   ҳиссаи   босазо   гузоштаанд.   Соли 1938  кафедраи  равоншиносӣ     аз   кафедраи   педагогика   ҷудо   шуд.

Солҳои  1938–1947  ҳайати   омӯзгорон  ва  профессорони   кафедра бо устодон   Гусак М. Г.,  Евтеев М. Т.,   Лихёчева Т. И.,   Сахиуллина З. Т.,   Бокровская А. Б.,    Ахмедов М. Х.,     Бикчентай Н. А  . пурра гардид. Дарсҳо  бо  забони   русӣ   хонда     мешуданд,   бинобар   ин  устодон  Эркаев М.   ва   Исмоилов  У.   мазмуни   лексияи  онро  ба   забони  тоҷикӣ   тарҷума   мекарданд.

Соли 1939  ба   кафедра  Орифов М. О.   ба  кор  омад. Профессор  Орифӣ М.О., дотсентон  Раҳимов Б.Р.,   Хошмуҳамедова Р.И.  якчанд  сол  вазифаи   мудири    кафедраи      педагогикаро   ба   уҳда   доштанд.

Моҳи   июни   соли 1980 ба вазифаи мудири кафедраи педагогика  доктори  илмҳои   педагогӣ,    профессор    Обидов И. О.   интихоб   гардид.

Солҳои  1979–1995 дар назди  кафедраи  педагогикаи  умумӣ  Шӯрои   диссертатсионӣ  барои  дарёфти  дараҷаи  номзади  илмҳои   педагогӣ  амал мекард.    Аз    соли 1995 дар   назди  кафедра  Шӯрои  диссертатсионӣ  барои  дарёфти  дараҷаи  доктори  илмҳои  педагогӣ   фаъолият  дорад.   Дар давоми   фаъолияти   Шӯроҳои   диссертатсионӣ   12  нафар  рисолаи    докторӣ,  109 нафар рисолаи  номзадӣ  дифоъ  намуданд ва  тайи  солҳои  охир  боз  чандин нафар рисолаҳои  номзадии  хешро   ҳимоя   намуданд.     Дар    байни   онҳо   Шербоев С.,   Шарифов Ф.,    Каримова И.Х.,    Зубайдов У.З.,   Паҳлавонов А.,    Ҷонназаров Х.,   Қаҳрамонов Г.С.,   Бӯйдоқов Х.,   Қодиров К.Б.,  Нуров А.Н.,   Шукуров Т.   ба  гирифтани   дараҷаи  доктори   илмҳои  педагогӣ  сарфароз  гардидаанд.

Тӯли  солҳои  2005–2007  роҳбарии  кафедраро  доктори илмҳои  педагогӣ,    профессор   Сафар    Сулаймонӣ    ба уҳда  дошт.  Доктори  илмҳои   педагогӣ    Шомуродов   Х.Р.    дар  давоми  солҳои  2007 – 2013 ба  ҳайси  мудири   кафедр  афаъолият   намудааст.

Аз  соли  2013  то  2017 доктори илмҳои педагогӣ Шарипова  Д.Я.  вазифаи  мудири  кафедраро  бар  душ дошт. Айни замон иҷрокунандаи  вазифаи   мудири    кафедраро   доктори   илмҳои   педагогӣ     Имматова Л.М.   ба    уҳда   дорад.

Имрӯз   дар   кафедраи   педагогикаи   умумӣ 14  нафар  устодон  кор мекунанд,  ки  дар  байни  онҳо 2 нафар доктори  илмҳои педагогӣ:  Шарипова    Дилбар   Яхёевна   ва   Иматова Лутфия   Маҳмадуллоевна.;   3  нафар   номзадҳои   илм:   Шукурова Н.,   Рамазонова Р,   Фозилов С;   7  нафар  муаллимони    калон:   Ҳабибова О.,   Аҳадов З.,    Арбобова Ф.,     Хоҷаева Г.,  Мамадқулова О.,   Пулотов А.,   Азизова Ф.,   ва   2   нафар ассистентон:  Бегова Ф.,   Сафаров Ш.      мебошанд.

 
free pokerfree poker

Номи пурра: Донишгоҳи давлатии омӯзгории Тоҷикистон  ба номи Садриддин Айнӣ

Суроға:, 734003, шаҳри Душанбе, хиёбони Рӯдакӣ 121
Телефон: +992(37) 224-13-83

WWW: www.tgpu.tj

E-mail: tgpu2004@mail.ru