• Тоҷикӣ
  • Русӣ
  • Англисӣ


Абдушукур Ғаффоров,
декани  факултети  таҳсилоти ибтидоӣ,
номзади  илмҳои филологӣ, дотсент
Телефон: (+ 992 37) 224-26-74,
(+992) 901-06-30-68
Email:
Этот e-mail адрес защищен от спам-ботов, для его просмотра у Вас должен быть включен Javascript

Ғаффоров Абдушукур Одинашоевич (таваллуд 30.12.1968, ноҳияи Восеъ), забоншинос, номзади илмҳои филология (2000), дотсент (2005). Солҳои 1986-1993 таҳсил дар факултети забон ва адабиёти тоҷики Донишкадаи давлатии омӯзгории шаҳри Кӯлоб ба номи А.Рӯдакӣ (ҳоло ДДК ба номи А. Рӯдакӣ). Онро бо дипломи аъло хатм кардааст. Солҳои 1987-1989 дар сафҳои Артиши Шӯравӣ хизмат намудааст. Солҳои 1993-1994 муаллими калони кафедраи забони тоҷикии Донишгоҳи давлатии ш. Қӯрғонтеппа, 1994-1997 аспиранти Институти забон ва адабиёти ба номи А. Рӯдакии  Академияи илмҳои Ҷумҳурии Тоҷикистон, 1997-1998 котиби Шӯрои илмии Пажӯҳишгоҳи илмҳои педагогии АИП Тоҷикистон, 1998-2000 муаллими калони кафедраи забон ва адабиёти синфҳои ибтидоии Донишгоҳи давлатии омӯзгории Тоҷикистон ба номи  Қ.Ҷӯраев (холо ДДОТ ба номи С. Айнӣ) буд. Солҳои 2000-2001 ҳамчун муаллими калони кафедраи методикаи таълими синфҳои ибтидоӣ, 2001-2007 мудири кафедраи забон ва адабиёти синфҳои ибтидоӣ ва ҳамзамон муовини декан оид ба илми факултети педагогикаи Донишгоҳи давлатии омӯзгории Тоҷикистон ба номи Садриддин Айнӣ, 2007-2008 декани факултети педагогикаи донишгоҳи мазкур фаъолият кардааст. Солҳои 2000-2007 раиси Шӯрои олимони ҷавони донишгоҳро ба уҳда дошт. Дар конференсияи илмии олимони ҷавон дар шаҳрҳои Хуҷанд, Кӯлоб, Қӯрғонтеппа ва Душанбе оид ба масъалаҳои илми забоншиносӣ  баромад намуда, мӯҳтавои онҳоро дар маҷмӯаҳои илмии олимони ҷавон «Ҷавонон ва ҷаҳони дониш» ва Ҷавонон ва ҷаҳони андеша» ба чоп расонидааст. Солҳои 2008-2010 сардори раёсати таълими донишгоҳ ва аз соли 2010 то 2013 дар вазифи муовини ректор оид ба таҳсилоти ғоибонаи ДДОТ ба номи Садриддин Айнӣ  фаъолият кардааст.  Аз моҳи  январи соли 2013  то имрӯз  декани факултети педагогикаи донишгоҳи мазкур  мебошад.

Солҳои 2005 -2010 , 2010-2015  вакили Маҷлиси вакилони халқи ноҳияи Исмоили Сомонии шаҳри Душанбе буд ва соли 2015 бори сеюм вакили Маҷлиси вакилони халқи ноҳияи Исмоили Сомонии шаҳри Душанбе интихоб гардидааст. Муаллифи зиёда 80 мақолаҳои илмӣ, илмӣ-методӣ, дастурҳои таълимӣ, брошюраҳо ва васоити таълимӣ, аз ҷумла «Корҳои санҷишӣ аз фанни забони адабии ҳозираи тоҷик» ( 2004), «Ибораҳои феълӣ бо пешояндҳои аслӣ дар «Бадоеъ-ул-вақоеъ»-и Зайниддин Маҳмуди Восифӣ» (2007), «Баъзе  мулоҳизаҳо перомуни забони тоҷикӣ» (маҷмӯи мақолаҳо, 2013), «Корҳои мустақилона аз фанни забони адабии ҳозираи  тоҷик» (2013), «Ибораҳои феълии пешояндӣ дар забони тоҷикӣ» (2013), «Ибораҳои феълӣ бо пешояндҳои аслӣ дар «Бадоеъ-ул-вақоеъ»-и Зайниддин Маҳмуди Восифӣ» (монография, 2013) мебошад. Узви Ҳизби Халқии Демократии Тоҷикистон аст. Барои хизматҳояш дар рушди соҳаи маориф  бо нишони сарисинагии «Аълочии маорифи Тоҷикистон» (2005),  ифтихорномаи Мақомоти иҷроияи ҳокимияти давлатӣ дар ноҳияи Исмоили Сомонӣ (2014), ифтихорномаи   Вазорати маориф ва илми Ҷумҳурии Тоҷикистон (2015)  сарфароз гардонида шудааст.

 
free pokerfree poker

Номи пурра: Донишгоҳи давлатии омӯзгории Тоҷикистон  ба номи Садриддин Айнӣ

Суроға:, 734003, шаҳри Душанбе, хиёбони Рӯдакӣ 121
Телефон: +992(37) 224-13-83

WWW: www.tgpu.tj

E-mail: tgpu2004@mail.ru