Ғолибият насиби кӣ шуд?

21-апрели соли равон бозии дӯстона дар риштаи волейбол миёни донишҷӯёни тоҷик ва туркмени донишгоҳ бо ташаббуси сафорати Туркманистон ва муовини ректор оид ба робитаҳои байналмилалӣ Розия Абдуллоева ва омӯзгорони кафедраи тарбияи ҷисмонӣ зери роҳбарии бевоситаи мудири кафедраи мазкур, номзади илмҳои педагогӣ, дотсент Тошқул Намозов баргузор шуд. Дар мусобиқа дастаи волейболбозони донишҷӯдухтарони

тоҷик  дастаи донишҷӯдухтарони туркменро бо ҳисоби 2:0  ва донишҷӯписарони тоҷик дастаи донишҷӯписарони туркменро бо ҳисоби 3:2 шикаст доданд. Дар ин бозӣ ғолибият насиби донишҷӯёни тоҷик гардид.