Friday, 12 October 2018 10:40 |
There are no translations available.
ТЕРРОРИЗМРО РЕШАКАН БОЯД КАРД
Яке аз масъалаҳои ҷиддие, ки имрӯз ҷомеаи ҷаҳонро нигарон кардааст, масъалаи терроризму экстремизм аст. Ин ҷараёни хатарзо ба худ хусусияти марзнописандӣ касб карда, кулли мардуми сайёраро водор месозад, ки ҷиҳати пешгирӣ ва кам кардани зарари он андеша намоянд. Ҷумҳурии Тоҷикистон низ ҳамчун узви баробарҳуқуқи ҷомеаи ҷаҳонӣ нисбат ба чунин проблемаҳо бетараф буда наметавонад. Бахусус, дар шароите, ки кишвари ҳаммарз ва ҳамфаранги мо Афғонистон дар гирдоби ташаннуҷу бесуботӣ қарор дорад, ҷомеаи кишвари моро ин вазъият дучанд нигарон мекунад.
|
Thursday, 11 October 2018 10:27 |
There are no translations available.
МУЛОҚОТИ ПЕШВОИ МИЛЛАТ ЭМОМАЛӢ РАҲМОН БО ДАСТАИ МУНТАХАБИ ФУТБОЛБОЗОНИ НАВРАСИ ТОҶИКИСТОН
11 октябр дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Президенти Кумитаи миллии олимпии кишвар муҳтарам Эмомалӣ Раҳмон бо Раиси шаҳри Душанбе, Президенти Федератсияи футболи Ҷумҳурии Тоҷикистон муҳтарам Рустами Эмомалӣ дастаи мунтахаби наврасони то 16 — солаи Ҷумҳурии Тоҷикистон, ҷоизадорони Чемпионати Осиё оид ба футболро, ки бо медалҳои нуқра ба Ватан баргаштаанд, бо нишони қадршиносӣ ба ҳузур пазируфтанд. Иқдоми шоистае, ки аз ҷониби Пешвои миллат муҳтарам Эмомалӣ Раҳмон барои аъзои ин даста амалӣ гардид, аз Фонди захиравии Президенти Ҷумҳурии Тоҷикистон ба 33 нафар, ба ҳар яки онҳо 20 ҳазор сомонӣ, дар маҷмуъ 660 ҳазор сомонӣ тақдим карда шуд.
|
Saturday, 06 October 2018 14:49 |
There are no translations available.
ТАҶЛИЛ АЗ РӮЗИ ОМӮЗГОР ДАР ДОНИШГОҲ
Пешаи омӯзгорӣ аз азал афзали ҳамаи касбу ҳунарҳо буда, омӯзгор бо маърифатофаринӣ ва равшангарии донишу раҳнамоии мардум дар роҳи даст овардани бахту саодати инсоният ва рифоҳу саодати ҷамъият саҳми бузург дорад.
Ба истиқболи Рӯзи омӯзгор санаи 6-уми октябри соли ҷорӣ дар толори бинои асосии Донишгоҳи давлатии омӯзгории Тоҷикистон ба номи Садриддин Айнӣ чорабинии идона баргузор гардид, ки дар он устодону донишҷӯён ва намояндагон аз Вазорати маориф ва илми ҷумҳурӣ ширкат варзиданд.
|
Friday, 05 October 2018 13:35 |
There are no translations available.
КОНФРОНС БАХШИДА БА РӮЗИ ЗАБОНИ ДАВЛАТӢ ДАР ДОНИШГОҲ
Забони тоҷикӣ ҳамчун забони давлатӣ дар Ҷумҳурии Тоҷикистон аз ҷойгоҳи хосса бархӯрдор буда, ҳамасола ба хотири гиромидошти он санаи 5-уми октябр дар мамлакат “Рӯзи забони давлатӣ” ҷашн гирифта мешавад. Бо ин мақсад бо ташаббуси факултети филологияи тоҷик имрӯз, 5-уми октябр, дар толори калони бинои асосии Донишгоҳи давлатии омӯзгории Тоҷикистон ба номи Садриддин Айнӣ конфронс бо ширкати устодону донишҷӯён баргузор гардид.
|
Friday, 05 October 2018 12:09 |
There are no translations available.
ДИКТАНТ БА ИСТИҚБОЛИ РӮЗИ ЗАБОНИ ДАВЛАТӢ
Имрӯз, 5-уми октябри соли 2018, дар идомаи чорабиниҳои ҷашнӣ ба ифтихори Рӯзи забони давлатии Ҷумҳурии Тоҷикистон бо ташаббуси Раёсати донишгоҳ донишҷӯён ва устодони факултет ва кафедраҳо ба навиштани диктанти умумӣ ҷалб карда шуданд. Мавзӯъҳои диктант аз матнҳои бадеии классикони гузаштаи тоҷик, осори адибони муосир ва суханрониҳои Пешвои миллат баргузида шуда, навиштани диктант ба таври муташаккилона соати 0900 оғоз ёфт.
|
Friday, 05 October 2018 09:00 |
There are no translations available.
ПАЁМИ ТАБРИКОТИИ ПРЕЗИДЕНТИ ҶУМҲУРИИ ТОҶИКИСТОН, ПЕШВОИ МИЛЛАТ, МУХТАРАМ ЭМОМАЛӢ РАҲМОН БА МУНОСИБАТИ РӮЗИ ЗАБОНИ ДАВЛАТӢ
Ҳамватанони азиз!
Ҳамаи шуморо ба ифтихори Рӯзи забони давлатӣ, ки яке аз рукнҳои асосии давлатдории навини мо мебошад, самимона табрик мегӯям.
Забони миллӣ мисли шаҳсутун бинои маънавии давлатро побарҷо нигоҳ дошта, маърифату фарҳанг, ахлоқу одоб, бинишу афкори миллатро чун ойина дар худ инъикос мекунад.
Ин аст, ки забони тоҷикӣ асоси ҳувияту худшиносии миллии мо ба шумор рафта, барои ҳар фарди тоҷик азизу муътабар мебошад, зеро танҳо ба василаи забони миллӣ метавон ҳофизаи таърихиву фарҳангиро пос дошта, пайванди хешро бо адабиёту фарҳанг ва илму дониши дар тӯли ҳазорсолаҳо офаридаи халқамон эҳсос намуд.
|
Wednesday, 03 October 2018 11:24 |
There are no translations available.
БЕҲТАРИН ҶАВОНДУХТАРИ ҲУНАРМАНДИ СОЛ МУАЙЯН ШУД
Бо ташаббуси қисми тарбияи Донишгоҳи давлатии омӯзгории Тоҷикистон ба номи Садриддин Айнӣ бахшида ба «Соли рушди сайёҳӣ ва ҳунарҳои мардумӣ» миёни донишҷўдухтарони факултетҳои донишгоҳ озмуни ҷумҳуриявии «Ҷавондухтари ҳунарманди сол» баргузор гашт, ки аз ҳар як факултет як нафар донишҷўдухтар иштирок карданд. Озмун аз панҷ шарт иборат буд, ки ҳар як шарт то панҷ дақиқа иҷро карда шуд. Дар охир беҳтаринҳо муайян гардиданд ва ҷойи якум насиби донишҷўи факултети филологияи тоҷик Убайдуллозода Нодира шуда, ӯ инчунин барои иштирок ба даври ҷумҳуриявӣ роҳхат гирифт. Сазовори ҷойи дуюм донишҷўи факултети математика Ҳоҷиева Мадина ва ифтихорманди ҷои сеюм донишҷўёни факултетҳои физика Давлатзода Меҳрона ва забон ва адабиёти рус Муқумова Мавлуда гардиданд.
|
|