Рақобати донишҷӯён дар маҳфил-озмуни “Базми ғазал”

27-уми майи соли равон дар толори фарҳангии донишгоҳ бо ташаббуси намояндагони ташкилоти ҷамъиятии ҷавонон ва “Созандагони Ватан” бахшида ба 600-солагии Мавлоно Абдураҳмони Ҷомӣ ва 20-солагии қабули Сарқонуни Ҷумҳурии Тоҷикистон байни донишҷӯёни мактабҳои олӣ ва коллеҷу литсейҳо маҳфил-озмуни “Базми ғазал” гузаронида шуд.

Маҳфил-озмун аз 3 шарт иборат буд:
Якум, қироати ғазал аз эҷодиёти А.Ҷомӣ.
Дуюм, посух гуфтан ба саволҳои шифоҳӣ.
Сеюм, омода намудани лавҳа.
Дар натиҷа ҷойи якум ба Донишгоҳи аграрии Тоҷикистон ба номи Ш.Шоҳтемур, ҷойи дуюм ба Донишгоҳи давлатии омӯзгории Тоҷикистон ба номи С.Айнӣ ва ҷойи сеюм ба Литсейи алоқаи шаҳри Душанбе сазовор дониста шуд.

Фарзод Паҳлавонов, донишҷӯи соли 1-уми факултаи филологияи тоҷик