ЭЙ, КИ ДАСТАТ МЕРАСАД КОРЕ БИКУН…

Донишгоҳи давлатии омӯзгории Тоҷикистон ба номи С. Айнӣ яке аз бонуфузтарин донишгоҳҳои кишвар ҳама сола кӯшиш бар он медиҳад, ки корҳои созандагию ободонӣ ва саҳми худро дар пешрафти ҷомеаву тарбияи насли наврас бештар намояд. Имсол низ бо ташаббуси ректори донишгоҳи мазкур, профессор Нӯъмонҷон Ғаффорӣ бахшида ба 28-умин солгарди Истиқлолияти давлатии кишвар ба ятимони кул ва донишҷӯёни ниёзманд кӯмакпулӣ тақдим гардид.

Нӯъмонҷон Ғаффорӣ дар суханронии худ зикр намуд, ки «донишҷӯёни ятим ва ниёзманд фарзандони донишгоҳанд ва аз ҳама имкониятҳо бонасибанд. Донишгоҳ аз шумо танҳо дониши хубу рафтори намунавиро мехоҳад».

Дар поёни нишаст донишҷӯён ба саволҳои худ посух гирифтанд. Ва ваъда доданд, ки бо баҳои аъло ва сари баланд донишгоҳро хатм намуда, дар пайравии сиёсати хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба халқу Ватан софдилона хизмат мекунем.

Шуъбаи таҳлил ва робита бо ҷомеаи

ДДОТ ба номи С. Айнӣ