Вохӯрии намояндагони Маркази интихоботӣ ва раъйпурсии Ҷумҳурии Тоҷикистон

бо устодон ва донишҷӯёни Донишгоҳи давлатии омӯзгории Тоҷикистон ба номи Садриддин Айнӣ

Дар санаи 03-юми декабри соли 2019 дар Донишгоҳи давлатии омӯзгории Тоҷикистон ба номи Садриддин Айнӣ вохӯрии намояндагони Маркази интихоботӣ ва раъйпурсии Ҷумуҳурии Тоҷикистон бо устодону кормандон баргузор гардид. Вохӯрии мазкурро Ректори донишгоҳ, доктори илмҳои таърих, профессор Ғаффорӣ Нӯъмонҷон Усмонзода ифтитоҳ намуда, меҳмононро ба донишгоҳ хайрамақдам гуфтанд. Дар ин вохӯрӣ Коршиноси Маркази интихоботӣ ва раъйпурсии Ҷумҳурии Тоҷикистон - Маҳмудов Изатулло Тешаевич, Муовини сардори Раёсати муносибатҳои байналмилалии Вазорати адлияи Ҷумҳурии Тоҷикистон - Ғаффуров Ҷурабек Сафарбекович, Сардори Раёсати таҳсилоти ибтидоӣ ва миёнаи касбии Вазорати маориф ва илми Ҷумҳурии Тоҷикистон - Вализода Ҳокимхон Сафолиён ва муовини якуми Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон - Назарзода Ризо иштирок ва суханронӣ намуданд.

Мақсад аз баргузор намудани вохӯрии мазкур ҷиҳати баланд бардоштани рӯҳияи худогоҳию хештаншиносӣ, маърифати ҳуқуқӣ ва фаъолона ширкат варзидан дар маъракаҳои интихоботӣ, пешгирии шомилшавии ҷавонон ба ҳизбу ҳаракатҳои ифротгаро, террористӣ ва экстремистӣ, эҳтироми арзишҳои миллӣ мебошад.

Дар охир донишҷӯён саволу пешниҳодҳо карда, ҷавобҳои мушаххас гирифтанд.