Самараи неки Маркази ресурсии забони англисии

ДДОТ ба номи Садриддин Айнӣ

Санаи  13.10.2020 дар Маркази ресурсии забони англисии факултети забони англисии ДДОТ ба номи Садриддин Айнӣ курси такмили ихтисос, ки тӯлли ҳашт ҳафта, аз санаи 1- уми июл то 1- сентябр тариқи онлайн дар мавзӯи E- TEACH PROGRAM сурат гирифта буд, ҷамсъбаст гардид. Бояд зикр кард, ки дар ин барномаомӯзиш омӯзгорони зиёда аз 40 давлати дунё иштирок доштанд. Ба иштироккунандагон аз ҷониби Сафоратхонаи Амрико дар Ҷумҳурии Тоҷикистон сертификатҳои байналмиллалӣ тақдим карда шуд, вале бинобар сабаби вазъи пандемияи Covid-19, ин сертификатҳо ба иштироккунандагон тариқи онлайн супорида шуд, ки дар ин қатор 4 нафар устодони донишгоҳ: Наим Гуломов, Дилафрӯз Исматилоева, Гулчешра Очилова ва Ситора Хайруллоева низ ширкат доштаву соҳиб чунин сертификат гардиданд.

Раёсати Донишгоҳи давлатии омӯзгории Тоҷикистон ба номи Садриддин Айнӣ ва ҳамчунин садорати факултети забони англисӣ омӯзгорони зеринро бо чунин як дастоварди илмиашон табрику таҳният гуфта, барояшон  барору комёбиҳои илмиву таълимиро таманно дорад.