МАҲФИЛИ ИЛМИИ “ИНФОРМАТИКОНИ ҶАВОН”

Санаи 21.10.2020 дар синфхонаи №8-и факултети математика маҳфили навбатии “Информатикони ҷавон” бо дастгирии мудири кафедраи ТИК Латипов Сафаралӣ, таҳти роҳбарии н.и.п. Наҷмиддинов Абдуғафор баргузор гардид. Синфхона муҷаҳҳаз бо маводҳои аёният, яъне лавҳаҳои иттилоотӣ ва компютерҳои бо шабакаи интернетӣ пайвасшуда буд. Донишҷӯён бо истифода аз ин аёниятҳо дар маҳфил фаъолона иштирок намуданд. Роҳбари маҳфил н.и.п. Наҷмиддинов Абдуғафор доир ба “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи маориф” барои солҳои 2020-2040 суханронӣ намуда, ба донишҷӯён моҳияти аслии ин бистсоларо шарҳ дод.