ПАРЧАМ РАМЗИ ҲАСТИИ МИЛЛАТ

Санаи 23 – юми ноябри соли равон дар толори бинои асосӣ бо ташаббуси бахши магистратураи ДДОТ ба номи Садриддин Айнӣ, бахшида ба Рӯзи Парчами миллии Ҷумҳурии Тоҷикистон семинари илмӣ – назариявии бо иштироки магистрантони курси якум баргузор гардид. Чорабинӣ бо суханронии муовини ректор оид ба илм д.и.б., профессор Мирзораҳимов Акобир оғоз ёфт. Дар идома аз ҷониби магистри курси 1-уми факултети таърих Соидов Соҳибназар дар мавзӯи “Нақши Иҷлосияи XYII – уми Шӯрои Олӣ дар пойдории истиқлолияти давлатии тоҷикон”, магистри курси 1 – уми кафедраи фалсафа Мирзоев Соҳибкирон дар мавзӯи “Нақши пешвои миллат муҳтарам Эмомалӣ Раҳмон дар такмили сулҳу субботи тоҷикон”, магистри курси 1-уми факултети забон ва адабиёти рус Аннаева Гулбону дар мавзӯи “Ватани азизам Тоҷикистон”, магистри курси 1-уми факултети филологияи тоҷик Маърупова Сулҳия таҳти унвони “Парчам рамзи давлатдорӣ ва муаррифкунандаи миллати тоҷик” ва магистри курси аввали факултети забони англисӣ Фурқати Тағай дар мавзӯи “Хизматҳои таърихии пешвои миллат дар даврони истиқлолият” маърӯзаҳонӣ намуданд.