ИНТИХОБОТИ КУМИТАИ ИТТИФОҚИ КАСАБАИ ДОНИШҶӮЁН ДАР ДОНИШГОҲ

17 сентябри соли 2021 дар толори Шӯрои олимони ДДОТ ба номи Садриддин Айнӣ конференсияи ҳисоботию интихоботии Кумитаи иттифоқи касабаи донишҷӯёни донишгоҳ, бо иштироки  Расулов Бахтиёр - мутахассиси шуъбаи робита бо ҷомеа ва муносибатҳои байналмилалии Иттифоқи касабаи кормандони маориф ва илми Ҷумҳурии Тоҷикистон баргузор гардид. Дар конференсия фаъолияти Кумитаи иттифоқи касабаи донишҷӯёни донишгоҳ дар давраи ҳисоботӣ, маърӯзаномаи Комиссия назоратию тафтишотиро мавриди баррасии вакилони конференсия қарор дода, ҳайти вакилони нав, раис, раиси Комиссияи назоратию тафтишотӣ, комиссияҳои доимии Кумитаи муттаҳидаи иттифоқи касабаи донишҷӯёнро интихоб намуданд. Боиси зикр аст, ки вакилони конференсия Раҷабов Дилшодро ба ҳайси раиси Иттифоқи касабаи донишҷӯёни донишгоҳ такроран интихоб намуданд. Дар фарҷоми конференсия як қатор донишҷӯёни фаъоли донишгоҳ ба “Ифтихорнома” ва “Сипоснома”-и Иттифоқи касабаи кормандони маориф ва илми Ҷумҳурии Тоҷикистон сарфароз гардонида шуданд.

Суратгузориш аз рафти конференсия дар донишгоҳ: