Дар ҷаласаи назоратӣ, ки имрӯз бо иштироки муовинони ректор, сардорони раёсатҳо, деканҳо ва роҳбарони дигар сохторҳо баргузор гардид, ректори Донишгоҳи давлатии омӯзгории Тоҷикистон ба номи Садриддин Айнӣ Аҳлиддин Ибодуллозода як қатор масъалаҳоро мавриди баррасӣ қарор доданд.

Аз ҷумла, масълаҳои омода намудани нақша-чорабинӣ оид ба омӯзиш ва дар амал татбиқ намудани нуктаҳо ва масъалагузориҳо дар Паёми Президент ба Маҷлиси Олии Ҷумҳурии Тоҷикистон, нақшаҳои кории сохторҳо барои нимсолаи дуюми соли таҳсили 2024-2025, баргузор намудани ҳисоботи солонаи донишгоҳ, ҳавасманд намудани нафароне, ки унвонҳои илмиашон тасдиқ гардид, назорати ҷиддии ба ҷойи кор ҳозир шудани мутахассисони ҷавон, сифати таълим, ҷонноктар намудани кор бо дастаи олимпӣ ва дигар иштирокчиёни озмунҳои ҷумҳуриявӣ ва байналмилалӣ, дар арафаи соли нав тақдими туҳфаҳо ба кормандону омӯзгорон, инчунин аёдат ва расонидани туҳфаҳо ба омӯзгорони собиқадори донишгоҳ баррасӣ гардиданд.