Бо мақсади тарғиби тарзи ҳаёти солим ва ҷалби омӯзгорону кормандони Донишгоҳ ба варзиш, субҳи имрӯз дар боғи Аҳмади Дониш машқи пагоҳирӯзӣ баргузор гардид.

Дар чорабинӣ устодон ва кормандони Донишгоҳ фаъолона иштирок намуда, бо иҷрои машқҳои гуногуни ҷисмонӣ ба обутоби бадан машғул шуданд. Ин иқдом на танҳо барои солимгардонӣ ва тарғиби варзиш миёни омӯзгорону кормандон равона гардидааст, балки ба таҳкими рӯҳияи ҳамкорӣ ва боло бурдани сатҳи фаъолиятҳои варзишӣ дар муҳити донишгоҳӣ низ мусоидат мекунад.