МО ТАРЗИ ҲАЁТИ СОЛИМРО ИНТИХОБ МЕКУНЕМ!

Субҳи имрӯз, 01.12.2020 бо ташаббуси садорати факултети психология ва таҳсилоти фарогир, декани он н.и.п., дотсент Обидова Мунира Ибрагимовна инчунин мудири кафедраи психологияи касбии ДДОТ ба номи Садриддин Айнӣ н.и.п., Дадабоева Мадина Солибоевна зери унвони “Мо тарзи ҳаёти солимро интихоб мекунем!” аксияи “Гули сурх” барои пешгирӣ аз бемории Вич/Спид дар назди даромадгоҳи асосӣ бо иштироки устодону донишҷӯён баргузор гардид. Маврид ба ёдоварист, ки бемории Вич/Спид – сироятшаванда буда, ҳолатест, ки аз лаҳзаи ба бадани инсон ворид гаштани вирус оғоз меёбад. Устодони кафедраи мазкур барои пешгирии аз ин беморӣ ба кормандону донишҷӯёни донишгоҳ варақаҳо доир ба роҳҳои сироятёбӣ ва пешгирии он тақсим намуданд, зеро солимии Шумо бойигарии ҷомеа аст.