Дар доираи аксияи бошукӯҳи умумидонишгоҳии «Зебоӣ – оинаи ҳувияти миллӣ», ки дар Донишгоҳи давлатии омӯзгории Тоҷикистон ба номи Садриддин Айнӣ баргузор гардида истодааст, донишҷӯдухтарони факултети география низ иштироки фаъолона намуданд.
Онҳо бо пешниҳоди либосҳои миллии зебо, аз ҷумла чакан, атлас ва адрас, саҳни донишгоҳ ва боғҳои пойтахтро бо рангорангӣ ва ҳусни хоси тоҷикона зиннат бахшиданд. Барномаи онҳо таҷассумгари фарҳанги ғанӣ, таърихи пурифтихор ва завқи баланди зебоипарастии ҷавондухтарони тоҷик буд.
Иштироки донишҷӯёни факултети география бори дигар собит намуд, ки ҷавонон дар баробари омӯзиши илм, ба ҳифз ва тарғиби арзишҳои миллӣ низ таваҷҷуҳи ҷиддӣ доранд.