ПАРЧАМ-РАМЗИ ОЗОДИИ МИЛЛАТ

23-юми ноябри соли 2021 дар толори Шӯрои олимони ДДОТ ба номи Садриддин Айни мизи мудаввар  таҳти унвони “Парчам-рамзи озодии миллат” бахшида ба “Рӯзи парчами давлатӣ”-и Ҷумҳурии Тоҷикистон баргузор гардид . Мизи мудаварро мудири Бахши кор бо занон ва оилаи ноҳияи Исмоили Сомонии шаҳри Душанбе Аминзода Манижабону оғоз бахшида,  тамоми иштирокчиёни мизи мудавваро  ба “Рӯзи парчами давлатӣ” табрику таҳният намуд.

Дар мизи мудаввари мазкур Зуҳурзода Зарина-сардори раёсати кор бо занон ва оилаи Мақомоти иҷроияи ҳокимияти давлатии шаҳри Душанбе, Шаҳобов Сайалӣ- мудири Шуъбаи рушди иҷтимоӣ ва робита бо ҷомеаи дастгоҳи Раиси ноҳияи Исмоили Сомонии шаҳри Душанбе, Маҳмудзода Нусратулло-мудири Бахши кор бо ҷавонон ва варзиши ноҳияи Исмоили Сомонии шаҳри Душанбе ва Мусоҷонзода Ҷамила Мансур-муовини ректор оид ба корҳои тарбиявии Донишгоҳ иштирок намуда, бо маърӯзаҳо баромад намуданд.