Имрӯз, ректори Донишгоҳ бо иштироки муовинони ректор, аъзои раёсат ва деканони факултетҳо ҷаласаи корӣ баргузор намуд.

Аҳлиддин Ибодуллозода, ректори Донишгоҳ дар ҷаласа масъалаҳои риояи интизоми меҳнат, тақсимоти дурусти соатҳои таълимӣ, фаъолияти Дармонгоҳ, сафарбар намудани донишҷӯён ба таҷрибаомӯзӣ ва назорати он, ҳолати бадарсоии донишҷӯён ва пешниҳоди мавзуъҳои фармоишӣ аз ҷониби факултетҳоро мавриди баррасӣ қарор дод.

Аҳлиддин Ибодуллозода, илова бар ин, роҳбари дастаи ҳунарии “Чеҳранамо”-и Донишгоҳро вазифадор намуд, ки ҷиҳати дарёфти истеъдодҳои ҷавон озмуни “Фалаксароён”-ро миёни донишҷӯён баргузор намоянд.

Ректори Донишгоҳ ҳамзамон масъулинро вазифадор намуд, ки масъалаҳо ва супоришҳои додашуда, зери назорати қатъӣ гирифта шуда, аз натиҷаи иҷроиш гузориши хаттӣ ирсол карда шавад.