25-уми октябри соли равон дар маҳфили «Адиб»-и факултети забон ва адабиёти рус тибқи нақшаи баргузории маҳфилҳои илмӣ-адабии донишҷӯён, бахшида ба 195-солагии нависандаи машҳури рус Л. Толстой шоми адабӣ баргузор гардид, ки дар он намояндагони раёсати илм ва инноватсия, омӯзгорону донишҷӯёни факултет фаъолона ширкат ва суханронӣ карданд.

Дар маҳфили мазкур дар бораи ҷанбаҳои мухталифи эҷодиёти нависандаи бузурги рус изҳори назар шуда, аз ҷумла қайд шуд, ки эҷодиёти Толстой ҳамон тобишҳои пурарзиши адабиёти русро ки шуҳрати ҷаҳонӣ дорад, баръало инъикос менамояд.

Дар интиҳои маҳфил донишҷӯён порчаҳое аз осори мансури ин нависандаи бузургро ба самъи ҳозирин қироат намуда, роҷеъ ба зиндагӣ ва шахсияти ин нависанда ба донишҷӯёни дигар маълумотҳои ҷолиб пешкаш намуданд.