Кормандони раёсати Донишгоҳи давлатии омӯзгории Тоҷикистон ба номи С. Айнӣ тибқи барномаҳои омӯзишии кутоҳмуддати Ҳукумати Ҷумҳурии Ҳиндустон ба шаҳрҳои гуногуни Ҳиндустон барои омӯзиши ихтисосҳои гуногун сафарбар мегарданд.

Имрӯз сафири Ҷумҳурии Ҳиндустон дар Ҷумҳурии Тоҷикистон Вираҷ Синҳ бо аҳли иштирокчиён вохӯрӣ карда, ба онҳо оид ба қоидаҳои будубош дар ин кишвар суҳбат намуда, ба ҳамагии иштирокдорон барору комёбиҳо таманно намуд.

Лозим ба ёдоварист, ки дар ояндаи наздик низ дар мувофиқа бо Вазорати маориф ва илми Ҷумҳурии Тоҷикистон кормандон ва устодони донишгоҳ ба кишварҳои хориҷа ҷиҳати табодули таҷриба сафарбар карда мешаванд.