15-уми апрели соли равон раёсати Донишгоҳи давлатии омӯзгории Тоҷикистон ба номи Садриддин Айнӣ ҳайати Донишгоҳи давлатии омӯзгории Бошқирдистон ба номи М. Акмулаи Федератсияи Руссияро бо роҳбарии ректори ин муассиса С.Т. Сагитов ва муовини ректор оид ба робитаҳои байналмилалӣ Р.З. Юлбоев ба ҳузур пазируфт.

Зимни вохӯри ҷонибҳо барои ҳамкории чандинсолаи пурсамар изҳори миннатдорӣ баён намуда, оид ба фаъолияти минбаъда дар доираи татбиқи ихтисосҳои дудипломаи зинаи магистратура ва бакалавриат, инчунин мубодилаи тавсеаи таҷрибаи пешқадам ва табодули омӯзгорону донишҷӯён табодули назар намуданд.

Ҳамзамон баҳри идомаи таҳсил ректори Донишгоҳи давлатии омӯзгории Бошқирдистон ба номи М. Акмулаи Федератсияи Руссия бо донишҷӯёни курсҳои болоӣ ҷиҳати таҳсил дар зинаи магистратураи ин донишгоҳи бонуфуз вохӯри намуд.