БАРГУЗОРИИ ОЗМУНИ ҶУМҲУРИЯВИИ

“ТОҶИКИСТОН –ВАТАНИ АЗИЗИ МАН” ДАР ДОНИШГОҲ

Рӯзи 27 – уми апрели соли 2021 дар толори бинои асосии ДДОТ ба номи Садриддин Айнӣ  озмуни ҷумҳуриявии “Тоҷикистон – Ватани азизи ман” бахшида ба “30 солагии Истиқлолияти давлатии Ҷумҳурии Тоҷикистон”, ба хотири пайдо кардани истеъдодҳои нави соҳаи санъат, баланд бардоштани маҳорати касбӣ байни донишҷӯёни факултетҳои донишгоҳ аз рӯи ду номинатсия, сарояндагӣ ва навозандагӣ баргузор гардид. Ҳайати комиссияи озмун аз мудири шуъбаи фарҳанги донишгоҳ Ашурова О.М., мудири шуъбаи кор бо ҷавонони донишгоҳ Абдураҳмонов М.С., муаллимони калони кафедраи назария ва методикаи тарбияи мусиқӣ-бадеӣ Нормаҳмедов О.О., Назаров Н. ва сармуттахасиси шуъбаи фарҳанги донишгоҳ Давлатзода М.Д.  иборат буданд, ки ба ҳунару маҳорати иштирокчиён баҳогузорӣ намуданд.  Бояд гуфт, ки аз рӯи шартҳои мазкур донишҷӯёни донишгоҳ аз худ ҳунару маҳорати хуби навозандагиву сарояндагӣ нишон доданд. Дар ҷамъбасти озмун 10 нафар донишҷӯён ба даври ноҳиявӣ роҳ ёфтанд, ки аз он 8 нафар аз рӯи номинатсия овозхонӣ ва 2 нафар аз рӯи номинатсияи навозандагӣ иштирок хоҳанд варзид.

Суратгузориш аз рафти озмун: