ИШТИРОКИ ФАЪОЛОНАИ ДОНИШҶӮЁНУ ОМӮЗГОРОН ДАР ШАНБЕГИИ УМУМИНОҲИЯВӢ

Рӯзи 15-уми сентябр беш аз 150 нафар донишҷӯёну устодони Донишгоҳи давлатии омӯзгории Тоҷикистон ба номи С. Айнӣ дар шанбегии умумии ноҳияи Исмоили Сомонӣ ширкат намуданд.

Дар хиёбони Рӯдакии пойтахт донишҷӯён ва омӯзгорони донишгоҳ бо ҳисси баланди масъулиятшиносӣ, маданияти шаҳрвандӣ, зебоипарастӣ ва қаноатмандӣ аз ватани ободу озод муташаккилона дар тозаву озода намудани ду тарафи роҳ ва ба тартиб даровардани гирду атрофи боғу гулгаштҳо саҳми худро гузоштанд. Тавре аз шуъбаи тарбияи донишгоҳ хабар доданд, чорабинии мазкур фардо низ идома хоҳад ёфт.