Конференсияи ҳикматбор

Паёпай бо идвораи 7 май-Рӯзи радио ва алоқа санаи 12-уми майи соли равон дар Коллеҷи омӯзгории донишгоҳ конференсияи илмӣ-амалӣ бахшида ба 600-солагии А.Ҷомӣ, 700-солагии Мир Сайид Алии Ҳамадонӣ гузаронида шуд. Ҳамоиши мазкур бо ташаббуси кафедраи математика-информатика баргузор гардид. Дар ин конференсия омӯзгорон ва донишҷӯён фаъолона ширкат варзиданд. Аз ҷумла, омӯзгорон Ш.Зоиров дар мавзӯъҳои «7-уми май-Рӯзи радио», И.Усмонов «Ташкили алоқа ва хабаркунӣ ҳангоми таҳдид ва рух додани ҳолатҳои фавқуллода», М.Файзуллоева «Системаи идоракунии иттилооти маориф», Ҳ.Алиакбар «Низоми кредитӣ дар таҳсилот» ва аз донишҷӯён бошад, Ф.Урозов «Татбиқи интеграл», М.Муҳриддинзода «Амалҳо бо баёнҳо» маърӯза намуданд. Ин маърӯзаҳои пурмуҳтаво ва ҳикматбор паҳлуҳои нокушодаеро барои ҳозирин бозгӯ намуд.

Мадина Хоҷанова, донишҷӯи соли 2-юми факултаи таърих ва ҷомеашиносии Колеҷи омӯзгорӣ