Вохӯрии судманд

Дар асоси Нақшаи чорабиниҳои Бахши кор бо ҷавонон ва варзиши ноҳияи Исмоили Сомонӣ дар ҳамбастагӣ бо муассисаҳои таҳсилоти олӣ ва касбии ҳудуди ноҳия санаи 17-02-2020 дар толори Донишгоҳи давлатии омӯзгории Точикистон ба номи С. Айнӣ дар байни донишҷӯёну омӯзгорон оид ба тарғибу ташвиқ ва шарҳи нуктаҳои Паёми Президенти Ҷумҳурии Тоҷикистон муҳтарам Эмомалӣ Раҳмон дар самтҳои риояи қонунҳои миллӣ, пешгирӣ аз омилҳои номатлуб, терроризму экстремизм, ҷинояту ҷинояткорӣ, тарбияи ҳарбӣ-ватандӯстӣ, ҳифзи арзишҳои миллӣ, ҷалби наврасону ҷавонон ба китобхонӣ вохӯрии судманд гузаронида шуд.

Дар ҷараёни вохӯрӣ меҳмонон дар мавриди паҳлуҳои гуногуни Паёми Пешвои миллат ба Маҷлиси Олии мамлакат ибрози андеша намуда, таъкид карданд, ки Паёми Пешвои миллат муҳтарам Эмомалӣ Раҳмон беҳтарин дастуру роҳнамо барои фаъолияти созанда дар ҳамаи самту соҳаҳо ба ҳисоб рафта барои ҳар як сокини кишвар, бахусус ҷавонон дастуру раҳнамо ва қутбнамои фаъолият мебошад.