“МО ФАРЗАНДОНИ ҲАМИН ДИЁРЕМ”

Рӯзи 3 –юми декабри соли 2020, бо ташаббуси мудири кафедраи педагогикаи махсус ва таҳсилоти фарогир н.и.п., Рамазонова Раҷабгул ва садорати факултети психология ва таҳсилоти фарогири ДДОТ ба номи Садриддин Айнӣ чорабинии фарҳангӣ бахшида ба Рӯзи байналмилалии маъюбон, ки ҳамасола дар ҳамин рӯз қайд карда мешавад, таҳти унвони “Мо фарзандони ҳамин диёрем”бо иштироки донишҷӯёни имконияташон маҳдуд бо роҳбарии Саттор Қувватов баргузор гардид. Нахуст, муовини ректор оид ба корҳои тарбиявӣ Мусоҷонзода Ҷ., аз ғамхориҳои ҳукумати кишвар нисбат ба ин табақаи ҷомеа суханронӣ намуд. Дар идома аз ҷониби гурӯҳи донишҷӯён барномаи фарҳангӣ иборат аз рақсу суруд, гулбазм, саҳначаи тарбиявӣ ва суруд бо ишора пешкаши ҳозирин гардида. Дар  ҷамъбаст раёсати донишгоҳ ва кумитаи иттифоқи касабаи донишҷӯён ба нафарони имконияти маҳдуддошта, тӯҳфаҳои хотирмон ҳадя карда шуд.

Суратгузориш аз рафти чорабинӣ: