ВАТАН, ҲАР ГӮШААТРО САБЗ ХОҲАМ ДИД!

Рӯзи 07.12.2020, тибқи мактуби расмии Кумитаи иҷроияи ҲХДТ дар ноҳияи И.Сомонӣ ба хотири дар сатҳи баланд таҷлил намудани “Рӯзи таъсисёбии ҲХДТ” ташкилоти ибтидоии ҳизбӣ вазифадор шуданд, ки дар дохили муассиса ё корхонаи худ дарси сиёсӣ, корҳои ободонӣ, чорабиниҳои фарҳангӣ ва варзиширо бо ҷалби собиқадорони ҳизб доир намоянд. Тибқи ин дастур, дар ташкилоти ибтидоӣ-ҳизбии «Омӯзгор» маъракаи ниҳолшинонӣ таҳти унвони «Ватан, ҳар гӯшаатро сарсабз хоҳем кард» баргузор гардид.

Бо ин мақсад, дарахтони ҳамешасабз аз Боғи таҷрибавӣ-истеҳсолии ДДОТ ба номи Садриддин Айнӣ оварда шуда, дар назди бинои хобгоҳҳои донишгоҳ шинонида шуданд. Дар маъракаи ниҳолшинонӣ муовини ташкилоти ибтидоӣ-ҳизбии «Омӯзгор» Раҷабов Дилшод, котиби ташкилоти ибтидоӣ-ҳизбии «Омӯзгор» Каримов Давлатшо, комендантони хобгоҳҳои донишгоҳ ва донишҷӯёни фаъол иштирок намуданд.