ЧОРАҲОИ ЗАРУРӢ  ДОИР БА ПЕШГИРИИ БЕМОРИҲОИ ВИРУСӢ

Имрӯз, 8.12.2020 дар факултети биологияи ДДОТ ба номи Садриддин Айнӣ бо ташаббуси муовини декан оид ба корҳои тарбиявӣ Раҷабова Бибигул ва мудири кафедраи биохимия ва генетика Ғайратзода Меҳровар бахшида ба пешгирии ВМНО ва бемории COVID-19 бо иштироки кормандони Ҷамъияти Ҳилоли Аҳмари Ҷумҳурии Тоҷикистон ва устодону донишҷӯён викторина баргузор гардид. Сараввал, кормандони ҶҲА Бодурова Парвина, Қаюмова Умеда, Аминзода Нодир ва Исоев Саидбек суханронӣ намуда доир ба нақши ин ҷамъият бо презентатсия ва видеороликҳо ба аҳли нишаст маълумоти муфассал доданд. Баъдан доир ба роҳҳои пешгирӣ, нишонаҳо ва оқибатҳои бемориҳои COVID-19 ва ВМНО корманди маркази ҷумҳуриявии пешгирӣ оид ба бемориҳои вирусӣ Набиева Саодат бо маърӯзаи пурмӯҳтаво баромад намуд. Дар охир, байни устодону донишҷӯён саволу ҷавоб оид ба ин намуди бемориҳо гузаронида шуда, донишҷуёни фаъол бо мукофотҳо қадрдонӣ карда шуданд.

Суратгузориш аз рафти баргузории викторина: