ПАЁМИ ПЕШВО - РАҲНАМОИ МОСТ

Имрӯз, шуруъ аз соати 10:00 дар “Кохи Сомон” Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон баргузор гардид.

Вобаста ба ин, бо ташаббуси Раёсати ДДОТ ба номи Садриддин Айнӣ дар толори бинои асосии донишгоҳ кормандон, омӯзгорону донишҷӯён, инчунин дар ҳамаи синфхонаҳои факултетҳо, кафедраҳои тахассусиву умумидонишгоҳӣ ва дигар зерсохторҳои донишгоҳ Паёми Пешвои миллатро тавассути оинаи нилгун тамошо намудаву аз он як ҷаҳон маъниву таассуроти баланд бардоштанд. Бояд зикр кард, ки Паёми имсолаи Асосгузори сулҳу ваҳдати миллӣ, Пешвои-миллат, Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон фарогири андешаҳои баланди миллӣ ба ҳисоб рафта, барои дурнамои ояндаи миллати тоҷик ва рушду такомули  фаъолияти минбаъдаи кишвар нақши созанда дорад.