БАҲОГУЗОРӢ БА ДАРСИ ВИДЕОИИ УСТОДОНИ ФАКУЛТЕТИ МАТЕМАТИКА ВА ИНФОРМАТИКА

Оид ба таҳлили дарсҳои видеоӣ дар факултетҳо, кафедраҳои тахассусӣ ва умумидонишгоҳии ДДОТ ба номи С.Айнӣ", ки тибқи ҷадвали тасдиқнамудаи ректори донишгоҳ, профессор Аҳлиддин Ибодуллозода ҷиҳати беҳтар намудани сатҳу сифати таълим ҷараён дорад, дар таърихи 10 феврали соли 2023 дарси омӯзгори кафедраи алгебра ва назарияи ададҳо Аслонов Сорбон дар мавзуи "Амалҳо бо маҷмӯъҳо. Хосияти амалҳо бо маҷмӯъҳо" ва дарси омӯзгори кафедраи анализи математикӣ Лашкарбеков Суҳроб дар мавзуи "Критерияҳои кошӣ оиди наздикшавии қаторҳои ададӣ"дар курсҳои дуввуми факултети физика, ихтисоси физика мавриди таҳлил қарор дода шуд. Зимни таҳлили дарси омӯзгорони мазкур декани факултет н.и.ф.м., дотсент Зеваршоев Умар Нуралишоевич, намояндаи бахши таҳлилии факултет н.и.п. Нуралиев Ёдгор, сармутахассисони ШИСТ ва НЭ Ҳамидов Бобоҷон ва Файзуллоев Фаррух, мудирони кафедраҳои факултети мазкур, омузгорони фаннӣ Аслонов С. ва Лашкарбеков С. , як қатор омӯзгорони кафедраҳои факултет иштирок намуда, вобаста ба машғулиятҳои дарсии омӯзгорони мазкур андешаҳои хешро баён карданд.