Имрӯз 15-уми декабри соли 2023 Қурбонзода Рухшона, муовини ректор оид ба робитаҳои байналмилалии Донишгоҳи давлатии омӯзгории Тоҷикистон ба номи С. Айнӣ бо донишҷӯёни хориҷии шуъбаи рӯзона вохӯрӣ баргузор намуд.

Қурбонзода Рухшона сараввал аз номи Раёсати донишгоҳ донишҷӯёнро бо ҷамъбасти нимсолаи якуми соли хониши 2023-2024 ва фарорасии соли нави мелодӣ табрик намуда ба онҳо хониши хубу аъло таманно намуд.

Зимнан, оид ба масъалаҳои муҳими будубоши онҳо дар қаламрави кишвар аз қабили раводид, бақайдгирии ҳуҷҷатҳо ва амсоли ин қоидаҳо суханронӣ намуда оид ба сари вақт иҷроиши онҳо дастуру супоришҳо дода шуд.

Барои донишҷӯёни курсҳои якум донишгоҳро муаррифӣ намуда оид ба таърих, дастовардҳо, роҳбарият ва сохтори он баромад намуд.

Ҳамчунин, масъулин аз будубоши донишҷӯён ва мушкилиҳои онҳо пурсон шуда ба саволҳои якояки онҳо ҷавоб гардонида шуд.