Ба биноҳо-оби гарм

Муддатест, ки корҳои таъмиру тармим дар донишгоҳ идома доранд. Тавре муовини ректор оид ба корҳои хоҷагӣ зикр кард, хобгоҳҳои №6 ва №7 пурра аз таъмир баромадаанд. Қубурҳои оби гарм низ ба наздикӣ васл мегарданд ва мо метавонем бинои асосӣ, биноҳои факултаҳои филологияи тоҷик ва таърихро бо оби гарм таъмин намоем.

То 1-уми ноябр болои қубурҳо пӯшонида шуда, сангфарш мегарданд ва истифода аз онҳо имконпазир мешавад. Қисми пеши бинои якум, ки рӯзҳои боронӣ пур аз ҳавзчаҳо мешуд, акнун сангфарш гаштааст ва ба донишгоҳ ҳусни тоза зам менамояд. Корҳои таъмири саҳни бинои 1-уми донишгоҳ аз ҳисоби фонди хайриявии байналмилалии «Илҳом» (Вдохновение) ба роҳ монда шудаанд.

Илҳоми АБДУЛЛО