КАФЕДРАИ ЗАБОНҲОИ ШАРҚ

Кафедраи забонҳои Шарқ яке аз кафедраҳои навтаъсис ва фаъоли факултети забони англисӣ ба ҳисоб меравад. Ин кафедра ба таълими ихтисосҳои забонҳои кореягӣ ва хитоӣ машғул мебошад. Соли 2005 дар назди факултети забони англисии ДДОТ ба номи Садриддин Айнӣ ихтисоси забони кореягӣ ва соли 2013 ихтисоси забони хитоӣ кушода шуд. То соли ҷорӣ ин ду ихтисос ба уҳдаи кафедраи забони англисӣ ва типологияи муқоисавӣ вогузор шуда буданд. Дарси забони кореягиро омӯзгорони соҳибзабон Лариса Хен, Ким Чин Хиёнг мебурданд. Дар як муддати кўтоҳ ин ихтисосҳо дар донишгоҳ ба яке аз ихтисосҳои серталаб табдил ёфта, сафи донишљӯён дар ин ихтисосҳо сол то сол зиёд гардид. Аз ин лиҳоз, аз 1-уми сентябри соли 2016 бо пешниҳоди садорати факултети забони англисӣ кафедраи забонҳои Шарқ таъсис ёфт.

Айни замон дар кафедраи мазкур 11 нафар омӯзгорони донандаи хуби забон ва соҳибтаљриба фаъолият мекунанд. Аз инҳо 4 нафарашон омӯзгорони маҳаллӣ ва 7 нафар хориљӣ мебошанд. Таълими забони хитоӣ ба омӯзгорон аз Ҷумҳурии Халқии Чин Тиен Ху, Ҷанг Лей, Янг Љи Хонг ва дарсҳои забони кореягӣ ба омӯзгорон аз Ҷумҳурии Кореяи Ҷанубӣ Ким Юнг Вон, Канг Сок Йонг, Парк Йе Юнг ва Чо Ҷун Хо вогузор гардиданд.

Садорати факултети забони англисӣ ва кафедраи забонҳои Шарқ бо сафоратхонаҳои Кореяи Ҷанубӣ, Ҷумҳурии Халқии Чин ва маркази таълимии забони хитоӣ «Конфутсий» дар Донишгоҳи миллии Тољикистон ҳамкорӣ дорад. Ҳар сол омӯзгорону донишљӯёни фаъоли факултет дар барномаҳои гуногуни таълимӣ имтиҳон супорида, дар донишгоҳу донишкадаҳои Ҷумҳурии Чин ва Кореяи Ҷанубӣ хонда, донишу малакаи забондонии худро сайкал медиҳанд.

Роҳбарии кафедраро  саромӯзгор Бекчаев Ёлбарс Ҷумадурдиевич ба уҳда дорад.

НАҚШАИ НАҚШАЧОРАБИНИИ КАФЕДРА 2018-2019

ОМӮЗГОРОН

Бекчаев Ёлбарс Ҷумадурдиевич 16-уми ноябри соли 1983 дар ноҳияи Ҷиликӯли вилояти Хатлон таваллуд шудааст. Соли 2000 ба факултети забони англисии Донишгоҳи давлатии омӯзгории Тоҷикистон ба номи Қандил Ҷӯраев (ҳоло ба номи С.Айнӣ) дохил шуда, онро соли 2005 бо ихтисоси «Омӯзгори забони англисӣ» хатм намудааст.

Аз соли 2005 то ҳол дар вазифаҳои ассистенти кафедраи забони англисӣ ва типологияи муқоисавӣ, омӯзгори калони кафедраи забони англисӣ ва типологияи муқоисавӣ, муовини декан оид ба илми факултети забони англисии ДДОТ ба номи Садриддин Айнӣ фаъолият намудааст. Соли 2011 ба шуъбаи рӯзонаи аспирантураи ДДОТ ба номи Садриддин Айнӣ дохил шуда, онро соли 2014 хатм кард ва айни замон рисолаи номзадиаш дар арафаи ҳимоя қарор дорад. Аз соли 2016 инҷониб дар вазифаи мудири кафедраи забонҳои Шарқи Донишгоҳи давлатии омӯзгории Тоҷикистон ба номи С.Айнӣ фаъолият намуда истодааст. Оиладор. Соҳиби 2 фарзанд.