• Tajik
  • Russian
  • English
Факултетҳо
There are no translations available.

ФАКУЛТЕТИ БИОЛОГИЯ

Факултети биология дар заминаи факултети табиатшиносӣ - география аз 1 сентябри соли 1957 шӯъбаҳои «география-биология», «химия-биология ва «география» кушода шуд.

Соли 1964 бо иқдоми собиқ ректори донишгоҳ профессор Шукуров О.Ш. барои факултет бо саҳми омӯзгорон дар дараи зебоманзараи Ромит маркази таҷрибаомӯзии саҳроӣ, ташкил карда шудааст. Ин марказ на фақат ҷои гузаронидани таҷрибаи саҳроӣ, балки маркази асосии тадқиқоти илмӣ доир ба иҷрои корҳои курсӣ, рисолаҳои хатм ва номзадӣ ба ҳисоб меравад.

Бо фармони вазири маорифи Ҷумҳурии Тоҷикистон аз 12.08.1976 таҳти рақами №112 бо мақсади баланд бардоштани сифати тайёр кардани мутахасисҳо факултети табиатшиносӣ-география ба факултетҳои «биология-химия» ва «география-биология» ҷудо карда шуданд.

Аз соли 1976 то соли 1979 вазифаи декани факултетро н.и.б., дотсент Зубайдов У.З. иҷро карда, дар соҳаи ҷо ба ҷо  ва тайёр кардани кадрҳои баландихтисос дар факултет саҳми босазо гузоштааст.

Аз соли 1980 то соли 1994 вазифаи декани факултетро н.и.б., дотсент Маҳмадзиёев А.М. ба ӯҳда дошт. Аз соли 1980 то соли 1990 факултети биология-химия пойгоҳи гузаронидани олимпиадаи умумиитифоқии донишгоҳҳои омӯзгорӣ оид ба ихтисоси биология ва химия интихоб шуда буд.

Аз соли 1994 то 1997 вазифаи декани факултет ба зиммаи н.и.б., дотсент, Тураев А.К. ва аз соли 1997 то соли 1998 ба ӯҳдаи д.и.х., профессор Солиев Л.С. гузошта шуда буд.

Бо фармони Вазорати маорифи Ҷумҳурии Тоҷикистон аз 4.01.1998 таҳти рақами №02-02 ва фармони ректори ДДОТ №4а _ ОД аз 20 январи соли 1998 дар заминаи факултети «биология ва химия» факултетҳои мустақили «Химия» ва «Биология» кушода шуд.

Вазифаи декани факултети биологияро аз соли 1998 то соли 2009 д.и.б. Сатторов Т.С., ба ӯҳда дошт. Аз соли 2009 то соли 2013 бошад, он вазифаро д.и.б. Раҳимов С., аз соли 2013 то соли 2017 дотсент К.А.Баротов, аз соли 2017 то соли 2018 М. Шарипов, аз соли 2018 то январи 2020 дотсент М.Х. Ғайратзода, аз январи соли 2020 то июли 2022 н.и.б. Бобозода И.А. ва аз июли 2022 Мирзораҳимов А.К. то ҳоло иҷро карда истодааст.

Дар факултет шӯъбаҳои рӯзона бо ихтисосҳои 1-02-04-01- биология, 1-02-04-04-01- биология-химия, 1-33-01-01 - биология-экология, 1-31-01-01-02-21- биохимияи тиббӣ ва дар шуъбаи ѓоибона (фосилавӣ) бошад, ихтисоси биология ва биология-химия амал намуда, дар он 5 кафедра: зоология, ботаника, анатомия ва физиология, биологияи умумӣ ва методикаи таълимӣ биология, биохимия ва генетика фаъолият менамоянд.

Ҳоло дар факултет (дар шӯъбаи рӯзона ва ѓоибона) зиёда аз 1560 нафар донишҷӯён ва 24-нафар магистрон аз ҷумҳурӣ ва берун аз он таҳсил мекунанд. Дар шуъбаи рӯзона ва ѓоибона зиёда 550 нафар донишҷӯёни хориҷӣ аз ҷумҳурии Туркманистон, Узбекистон ва Афѓонистон, таҳсил менамоянд.

Дар факултет дар соли таҳсили ҷорӣ 51 нафар омӯзгорон кору фаъолият доранд, ки аз ин миқдор 25 нафарашон дорои унвони илмӣ: 5-нафар доктори илм, 20-нафар намзади илм, 17 муаллими калон, 9 ассистент, бо таълиму тарбияи донишҷӯён машѓуланд. Барои бо кадрҳои баландихтисос таъмин кардани факултет АМИТ, Украина ва Донишгоҳҳои шаҳрҳои Санкт-Петербург, Москва, Киев ва ѓайра ҳиссаи арзандаи худро гузоштаанд.

Дар факултет ба иҷрои корҳои илмӣ-тадқиқотӣ таваҷҷӯҳи зиёд дода мешавад. Мавзӯи корҳои илмии устодон ба хоҷагии халқ ва истеҳсолот вобаста буда, якҷоя бо пажӯҳишгоҳҳои АМИТ ба нақша гирифта мешаванд. Дар соли таҳсили 2020-2021донишҷӯи курси сеюм Умаров Руҳулло аз фанни биология сазовори ҷойи дуюм ва Рузиматова Парвина аз фанни химия сазовори ҷойи дуюм, донишҷуи курси дуюм Бозорова Нилуфар бошад аз фанни биология сазовори ҷойи якум  дар олимпиада барои дарёфти “Ҷоми АИ ҶТ” соҳиб гардиданд. Инчунин донишҷӯёни факултети биология дар озмуни олимпиадаи фаннии ҷумҳуриявӣ иштирок намуда, сазовори ҷойҳои намоён мегарданд.

Дар факултет осорхонаи зоологӣ ташкил карда шудааст, ки яке аз осорхонаи беҳтарин дар байни донишгоҳҳои ҷумҳурӣ ба шумор меравад.

Устодони факултет Сатторов Т.С., Маҳмадзиёев А., Султонов С., Савлатов С., Қосимова X.Н., Ѓайратзода М.Х, Баротзода К.А., Шарипов М., Ваҳобов А., Қурбонов А.Р., Раҳмадов С., ва дигарон муаллифи китобҳои дарсӣ (аз фанҳои зоология, ботаника, биологияи умумӣ, ҷаниншиносӣ, ҳалли масъалаҳои биологӣ, генетика, МТБ) барои донишҷуёни мактабҳои олӣ ва мактабҳои миёна ба шумор мераванд.

Барои баланд бардоштани сифати таҷрибаомӯзии омӯзгории донишҷуён таҷрибаи омӯзгориро дар мактаби № 25, 44,10, 11, 8, 34 ва гимназияи № 9-и ш. Душанбе мегузаронанд.

 
free pokerfree poker

 


 

Full name: Tajik State Pedagogical University named after Sadriddin Aini.Address: 734003, Dushanbe City, 121, Rudaki Avenue.
Telephone: +992(37) 224-13-83
WWW: www.tgpu.tj E-mail: info@tgpu.tj