Бо роҳбарии Президент ба Истиқлолият расидем

Пӯшида нест, ки дар эъмори Тоҷикистони навин саҳми Асосгузори сулҳу Ваҳдати миллӣ-Пешвои миллат, муҳтарам Эмомалӣ Раҳмон бузург аст. Бахшида ба Рӯзи Президенти Тоҷикистон дар толори Шӯрои олимони факултаи технология ва соҳибкорӣ конфронс баргузор гардид.

Ҷаласаро мудири шуъбаи тарбия Қ.Иброҳимов оғоз бахшид. Сипас, раиси Шӯрои занони донишгоҳ С.Қувватова маърӯзаи худро дар бораи расидан ба истиқлолият, нақши Президент дар ин ҷода, дастгирии занон аз ҷониби Президент, проблемаҳои беҳдошти ҳаёти занон, мавқеи зан дар ҷомеа, таъсиси квотаи Президентӣ барои духтарон ақидаи худро иброз дошт.

Аз ҷониби донишҷӯён Шарифҷон Сайфҳусейнов, Давлатмоҳ Абдуллоева ва Ҷасур Раҳмонов маърӯзаҳо ироа гардиданд.

Зарина Мараҷабова,

донишҷӯи соли 3-юми факултаи филологияи тоҷик