• Таджикский
  • Руский
  • Английский
Кафедрахо 54
There are no translations available.







Олимов Насруддин Солеҳович

Мудири кафедраи фанҳои умумитехникӣ ва мошиншиносӣ
доктори илмҳои филологӣ, профессор

Тел: (+ 992) 93 592 86 90
Email:
Nasriddin.Olimov@mail



ОЛИМОВ Насруддин Солеҳович (тав.20.04.1961) зодаи деҳаи Каздони  ноҳияи Айнӣ, вилоияти Суғд. Соли 1968 ба мактаби миёнаи №5-и ноҳияи Айнӣ рафта соли 1978-онро хатм намудааст. Солҳои 1978-1980 дар колхози «Тоҷикистон»-и  ноҳияи Айнӣ ба сифати  колхозчӣ  кор кардааст. Солҳои 1980- 1982 дар сафи қувваҳи  мусаллаҳи собиқ Иттҳоди Шуравӣ хизмат  намудааст.  Баъди адои хизмати ҳарби соли 1983 ба факултаи Саноатӣ-омузгории ДОД ба номи Т.Г.Шевченко дохил  шуда соли 1987 онро бомуваффақият хатм намуда ва  бо  роҳхати  Вазорати Маорифи Ҷумҳури Тоҷикистон  дар донишкадаи мазкур  ба ҳайси ассистент дар  кафедраи «Фанҳои умумитехникӣ»-и факултаи Саноатӣ-омӯзгорӣ ба кор қабул карда  шудааст. Аз  моҳи августи  соли 1987 то моҳи  ноябри соли 1990 ба сифати ассистенти кафедра  фаъолият намудааст.  Аз моҳи  ноябри соли 1990 то моҳи ноябри соли 1991 коромӯзи институти химияи АУ.ҶТ буда  моҳи ноябри  соли 1991 ба шӯъбаи рӯзонаи аспирантураи инистути химияи АУ.ҶТ дохил шуда, соли 1994 онро бомуваффақият хатм намуда рисолаи номзадияшро аз рӯи  ихтисоси  02.00.04  дар мавзӯи «Оксидшавии хулаҳои алюминий бо кремний, германий ва қалъагӣ дар ҳолати моеъгиашон» дар таҳти роҳбарии академики академияи илмҳои Ҷумҳурии Тоҷикистон Ғаниев И.Н. дифоъ  намудааст.

Моҳи декабри соли  1994 ба кафедра баргашта дар аввал ба сифати ассиатент кор  карда ва моҳи  майи соли 1995 ба сифати  омӯзгори калони  кафедра  гузаронида шудааст.Аз соли 1995 то соли 2000 дар вазифаи ҷонишини декан оид ба таълими факултети  «Технология ва соҳибкорӣ» фаъолият намудааст. Соли 1998 ба вазифаи дотсенти кафедра интихоб карда  шудааст. Аз соли 2002то соли 2007 дар вазифаи раиси шурои кураторони Донишгоҳи Омӯзгори фаъолият намудааст. Моҳи июни соли 2008 дар асоси озмун ба вазифаи мудири кафедраи «Технология ва мошиншиносӣ» интихоб шуда дар ин вазифа то соли 2018 фаъолият намудааст .Соли 2018 дар асоси озмун мудири кафедраи «Фанҳои умумитехникӣ ва мошинашиносӣ»-интихоб шуда то имрӯз дар ин вазифа фаъолият дорад. Муаллифи беш аз 100 мақолаҳои илми-методӣ  ва 5 ихтироот (патент) мебошад. Мавсуф дар чандин конфересияҳои сатҳи байнанхалқи дар шаҳрҳои Москва ,Санк-Петербург, Суздал,Экатеринбург иштирок намуда аз натиҷаҳои ба даст овардаш ба мутахасисони соҳавии ватанию хориҷи гузоришҳо додааст.

Асарҳо:

1.Системаи мошинҳои пахтакорӣ.Душанбе 2001 сол.

2.Механизими шатунию-кривошипӣ ва механизими газтақсимкунандаи муҳаррикҳои дарӯнсӯз. Душанбе 2002.

3.Системаи сарднамои ва равғанмолии муҳаррикҳои дарунсӯз. Душанбе 2003 сол.

4.Корҳои амали аз фанни масолеҳшиносӣ. Душанбе 2012 сол.

5.Интихоби масолеҳҳо барои коркарди филиз ва чӯб.Душанбе 2016.

6.Тармими мошин.Душанбе 2018 сол.

7.Мошинҳои кишоварзӣ. Душанбе 2019 сол.

8.Окисление алюминиевых сплавов с кремнием, германием и оловом. Душанбе 2021 сол.

 


 

Кафедраи фанҳои умумитехникӣ ва мошиншиносӣ

Кафедраи мазкур аз соли 1957 дар назди факултети риёзиёт ва физика бо номи кафедраи асосҳои истеҳсолот таъсис ёфтааст ва дар давоми фаъолияти худ ба як қатор муваффақиятҳои моддию техникӣ ноил гашта, садҳо мутахассисони баландихтисоси омӯзгорӣ барои соҳаҳои гуногуни халқ тайёр кардааст. Роҳбарии кафедраи мазкурро номзади илмҳои физикаю-математика, дотсент И. Тухтасунов ба уҳда дошта, дар кафедра омӯзгорон Паташников К.Л., Тоиров А., Маисеев И., ва як қатор донишҷуёни фаъол  аз ҷумлаи Ёқубов М., Каримов Н.К., Беков С., фаъолият намуда, онҳо дар зинаи аввал барои ташкил намудани заминаи моддию техникии кафедра саҳми арзанда гузоштаанд.

Баъдтар ба вазифаи мудири кафедра академик Ю.Н. Петров таъйин гардида, Ӯ корҳои оғознамудаи Тухтасунов И -ро идома бахшида, барои ташкил намудани базаи моддию техникӣ  саҳми босазо гузоштааст. Аз соли 1960 то соли 1968 сарварии кафедраро мутахассиси шинохта собиқ полковники артиш Локшин С.Л., ба уҳда дошт. Маҳз, бо талошу кордонӣ таҳти роҳбарии ӯ таълими политехникӣ ба як зинаи баланди омӯзиш табдил ёфт. Дар ин давра устохонаҳои коркарди чӯбу фулузот такмил ёфта, истифодабарии онҳо васеъ карда шуд. Устохонаҳои челонгарӣ, коркарди чӯбу тахта,  коркарди шиша ва коркарди қоғазу матоъ, лабораторияи технологияи металлҳо бо дастгоҳҳои муосири нави саноатӣ таҷҳизонида шудаанд.

Соли 1970 бо талаботи замон факултети риёзиёту физика ба ду факултети мустақил ҷудо шуд ва кафедраи асосҳои истеҳсолот дар заминаи факултети физика фаъолияти худро идома дод.

Соли 1975 факултети физика ба ду факултети мустақил: физика ва саноатӣ - омӯзгорӣ ҷудо шуданд. Кафедраи  асосҳои истеҳсолот, ки дар ҳайати факултети физика фаъолият мекард ба ду кафедра: кафедраи фанҳои умумитехникӣ ва кафедраи  методикаи таълимӣ фанҳои умумитехникӣ ҷудо шуд. Ба вазифаи мудири кафедраи  фанҳои умумитехникӣ номзади илмҳои техникӣ  Каримов Н. К таъин карда шуд ва фаъолияти ин кафедра таҳти сарварии Каримов Н. К ба тарзи кулли тағйир  ёфт.

Бо мақсади самаранок гузаштани дарсҳо як қатор асбобу анҷоми таълимию татқиқотӣ, воситаҳои техникӣ ва технологӣ, комплекси мошинҳои кишоварзию нақлиётӣ, ба монанди трактори ДТ-75М, Т-28Х4, заминнармкунандаи КРХ-4, дорупошаки ОТМ-4-8, мошини куракҷамъоварии СКО- 4, пахтабардори ПХН-1,2, пахтатозанамояндаи -УПХ- 4, таҷҳизоти махсус барои ҷӯйборканӣ, заминҳамворкунаки КЗУ-03, муқашшаркунак, алафдарав ва дигар таҷҳизотҳои зарурӣ барои дар сатҳи лозима ташкил намудани таълиму тарбия дастрас гардонида шуданд.

Бо кӯмаки раёсати донишгоҳ ва Вазорати маориф  кабинетҳои мошинҳои кишоварзӣ бо як макету маделҳои замонави муҷаҳҳаз гардонида шуд, аз ҷумла ба ин кабинет макети плугҳои овеза, нимовеза, ядаки, макетҳои сихмолаҳо, дискмолаҳо, култиваторҳо, муқашшаркунакҳо, мошинҳо барои тайёр намудан ва пошидани нуриҳои минералӣ ва органикӣ, комбайн  барои  ҷамъоварӣ намудани зироатҳои ғалладонаги, афзору асбобҳои механизаторон барои тармими мошинҳо, мошин олотҳои  кишткунанда, намудҳои гуногуни хокгардонҳо, позаҳо, қисмҳои кории дискмолаҳои вазнин, матига, нурибараку тухмибаракҳо, сошникҳои гуногуни ҷӯякаш ва ғайрағо ворид гардиданд. Кабинети  омӯзиши автомобилу тракторҳо бо стендҳои системаи сарднамоии муҳаррикҳои дарунсӯз, системаи равғанмоли муҳаррикҳои дарунсӯз, системаи озуқадиҳии муҳаррикҳои дарунсӯзи дизелӣ ва карбюраторӣ, системаи афрӯзиш муҳаррикҳои карбюраторӣ, механизими шатунию –кривошипӣ, механизими газтақсимкунанда, таҷҳизотҳои барқӣ, бурришиҳои гуногуни муҳаррикҳои дарунсӯз, системаи боздории гидравликӣ, системаи боздории пневматикӣ,  бурриши қутти таҳвил, бурриши гузаронандагии асосӣ, бурриши идоранамоии суконӣ, муҳаррикҳои бо ҳаво сардшаванда муҷаҳҳаз гардонида шуданд. Лабораторияи  электротехника ва корҳои электромантажӣ бо тамоми таҷҳизотҳои зарурӣ барои иҷроиши корҳои амалӣ низ муҷаҳҳаз гардонида шуда буд. Дар лабораторияи технологияи масолҳи конструксионӣ ки шуъбаҳои рехтагарӣ ва кафшеркуниро дар бар мегирифт. Микроскопи металлографӣ барои омӯзиши микроструктураи филизҳо, печи муфелӣ барои гузаронидани корҳои амали обутобдиҳӣ ва зангзании филизҳо, таҷҳизоти ченкунии сахтии тамғаи Роквелли барои чен намудани сахтии филизҳои тоза ва хулаҳо муҷаҳҳаз гардонида шуда буд.

Синфхонаҳои мошиншиносию корфармоӣ ва таъмири парки мошину тракторҳо, гидравлика ва мошинҳои гидравликӣ, техникаи гармоӣ бо мошинҳои гармоӣ, бехатарии ҳаракати роҳ,  баъдтар лабораторияи радиоэлектротехника бо техникаи ҳозиразамон ва воситаҳои методию моделҳои бешумори саноатию асбобҳои айёнӣ, воситаҳои техникӣ таҷҳизонида шуда буданд ва ҳамаи ин имконият медод, ки дарсҳо дар сатҳи зарури ташкилу баргузор карда шаванд.

Корҳои илмӣ- методӣ дар кафедра, таҳти роҳбарии устодон Н.К. Каримов., Олимов Н.С., Ширинов М.Ч., Сангов Н.Н., маҷрои тоза пайдо намуд. Бо ташаббуси муаллимони ҷавони кафедра ва донишҷӯён «Бюрои конструкторӣ-татқиқотии донишҷӯён (БКТД)» фаъолияти худро оғоз намуд. Дар шароити мавҷудияти лаборатория БКТД хосиятҳои физикӣ- механикӣ, кимиёвӣ ба соишу коррозия тобоварии маводи полимерию фулузот омӯхта мешаванд. Имрӯзҳо омӯзгорони кафедра  Олимов Н.С., Ширинов М.Ч., Сангов Н.Н.,  Ҷаъфаров А.С. Ҷобиров У.Р., Мирзоев А.А.,  Дустов Ҷ.М., бо корҳои илмӣ- татқиқотӣ дар ин бюро машғул мебошанд. Дастовардҳои корҳои илмӣ-татқиқотии аъзоёни кафедра дар солҳои гуногуни фаъолияти кафедра дар  журналҳои бонуфузи хориҷиву дохилии кишвар аз ҷумла дар журналҳои «Металли», «Расплави», «Пластические массы», «Вестник Казанского государственного технического унверситета им. А.Н.Туполева», «Известия национального академии наук республики Таджикистан», «Доклады национального академии наук республики Таджикистан», «Пайёми донишгоҳи омӯзгории Тоҷикистон», «Паёми донишгоҳи техникии Тоҷикистон», «Паёми донишгоҳи миллии Тоҷикистон», «Мактаби  советӣ», нашр гардидаанд. Дар ин ҷода саҳми олимони шинохтаи кафедра д.и.т., профессор Н.К. Каримов, н.и.т., дотсент Андрианов И.П., н.и.т., дотсент Муҳиддинов Х., н.и.п., дотсент Пелипенко Г.Я., н.и.т., дотсент Яхёев Г.Я., н.и.п., дотсент Рӯзиев Ш.М., н.и.т., дотсент Мисров С., н.и.х., дотсент Олимов Н.С., н.и.п., дотсент Сангов Н.Н., н.и.т., дотсент Миррахматов С. Ш., н.и.т Мирзозода А.Н. н.и.х., Ҷабборов Б.Б., н.и.х., Шамсиддинов А., н.и.т., Бадалов М., н.и.т., Ғаниева Н.И. ва омӯзгорони калон Иброгимов С. С., Паршина Н.В., Раҳмонов А. ва дигарон хеле бузург аст. Омӯзгорони кафедра  дар конфронсияҳои сатҳи байналхалқию ҷумҳуриявӣ  дар шаҳрҳои Москва, Санк-Петербург, Пенза, Суздаль, Оддесса, Кривой-Рог, Ҷумҳуриҳои Қазоқистон Ҷумҳурии Узбекистон, Ҷумҳурии Қирғизистон ичунин шаҳрҳои Душанбе, Хуҷанд, Бохтар,  оид ба дастовардҳои илмии ба даст овардаашон дар назди донишмандони соҳавӣ баромадҳои пурмуҳтаво намудаанд. Натиҷаи ихтироотҳои олимони кафедра  бо  10 нахустпатент қадрдони карда шудааст.

Дар кори таълиму тарбия ва ба табъ расонидани дастуру воситаҳои таълимӣ, ҳиссаи омӯзгорони кафедра, корманди шоистаи Ҷумҳурии Тоҷикистон, д.и.т., профессор Н.К. Каримов, н.и.т., дотсент Андрианов И.П., Муҳиддинов Х., Пелипенко Г.Я., Яхёев Г.Я., Рӯзиев Ш.М.,  Мисров С., Олимов Н.С., Мирзозода А.Н., Сангов Н.Н., Ширинов М.Ч., Миррахматов С. Ш., Ҷобиров У.Р., Мирзоев А.А., Дустов Ҷ.М., Ҷаъфаров А.С.  Раҳмонов А.А. ва дигарон хеле назаррас аст.

Аз соли 1990 кафедра бо пажуишгоҳи  кимиёи АМИ ҶТ лабораторияи масолеҳи ба корризия тобоварӣ ҳамкорӣ дорад. Дар ин самт корҳои зиёди илмӣ- татқиқоти бо роҳбарии академики АМИ ҶТ Ғаниев И.Н. ва кормандони кафедра ба сомон расонида шуданд. Дар натиҷаи ин татқиқотҳо аъзоёни кафедра Назаров Х., Шамсиддинов А., Ҷабборов Б.Б., Олимов Н.С. Бадалов М.Д., Ғаниева Н.И., Ширинов М.Ч. рисолаҳои номзади худро ҳимоя намуданд  ва  ин ҳамкорӣ то ба имрӯз идома дорад. Дар ин лабаратория имрӯз ду нафар унвонҷуёни факултет Ҷобиров У.Р., ва Фирӯзи Ҳамроқул  корҳои илмӣ-тадқиқотии худро давом дода истодаанд.

Равияи илмии  кафедра, ки «Оксидшавии хулаҳои алюминий бо элементҳои зергурӯҳи силитсий дар ҳолати сахтӣ»  мебошад дар  лабораторияи масолеҳи ба корризия тобоварӣ  институти химия  иҷро карда мешавад. Аз натиҷаҳои бадастовардаашон омӯзгорони кафедра то ба имрӯз соҳиби 15 кашфиётҳо гардидаанд, ки қисми зиёди ин кашфиётҳо дар истеҳсолот ҷорӣ карда шудаанд.

Дар назди кафедра маҳфили «Дустдорони автомобил» фаъолият менамояд, ки ба он асосан донишҷуёни лаёқатманд ҷалб карда мешаванд. Маҳфили мазкур дар як моҳ ду маротиба баргузор гардида дар он мувофиқи нақша масъалаҳои мубраму рӯзмарраи соҳаи автомобилсозӣ мавриди баҳсу мунозираҳо шуда аз ин маҳфил донишҷӯён нисбати ихтироъкорони автомобилҳо ва сохту раванди кории онҳо чизҳои заруриро омӯхта мегиранд, ки ин дар оянда барои онҳо кумаки зиёде мерасонад. Инчунин дар назди кафедра сменари илмӣ низ фаъолият дорад, ки он дар як моҳ мувофиқи нақша як маротиба баргузор гардида дар он масъалаҳои рӯзмарраи илми мавриди баррасӣ қарор дода мешаванд.

Бо мурури замон ва талаботи ҷомеаи нави ҳуқуқбунёд лозим омад, ки системаи омӯзгорӣ мазмуни таълимоти касбиро ба муносибатҳои иқтисодӣ-технологӣ мутобиқ кунонида шавад. Бинобар ин таи солҳои охир зарурияти тағйир додани самти таълимии зинавӣ ба миён омад. Барнома ва нақшаҳои таълимӣ иваз карда шуданд. Дар ин самт номи кафедра низ чанд маротиба тағйир ёфтааст. Дар давраҳои гуногун кафедра бо номҳои кафедраи фанҳои умумиттехникӣ, кафедраи технология ва мошиншиносӣ ва бо номи кафедраи фанҳои умумитехникӣ ва мошиншиносӣ фаъолият намудааст. Аз соли 2018 то ба имрӯз  кафедра бо номи кафедраи фанҳои умумитехникӣ ва мошиншиносӣ фаъолият дорад.

Имрӯз дар кафедра се нафар номзадони илм, дотсент аз ҷумла:  Олимов Н.С., Сангов Н.Н.,  Ширинов М., ду нафар омӯзгорони калон Дустов Ҷ.М, Ҷаъфаров А.С., ду нафар ассистентон Мирзоев А.А., Сафаров Қ.М., як нафар унвонҷуй Ҷобиров У.Р. ва як нафар лаборант Садруддинова А. фаъолият менамоянд. Дар солҳои гуногун  ба ҳайси омӯзгорони калон дар кафедра Раҳмонов А., Ҷурақулов М.,  н.и.х., Ҷабборов Б.Б., н.и.х., Шамсиддинов А., н.и.т., Бадалов М.Д., н.и.т. Ғаниева Н.И., ассистентон Убайдуллоев Т., Мирзоёрова А.Р., Халифаев И.Ҷ  устоҳои  таълими Маҳмадуллоева П., Аминова М., Балакин П.Т., Раҳмонов Ҷ. лаборантон Саидова Г., Негматова М., ва Иблоева  фаъолият намудаанд.  Аз соли 1975 то соли 1989 вазифаи мудири кафедраро д.и.т., профессор Каримов Н.К. иҷро намудааст.  Солҳои 1990 то соли 1994 ин вазифаро н.и.т, дотсент Муҳиддинов Х.М. ба уҳда дошт. Аз соли 1994 то соли 2008 вазифаи мудири кафедра  д.и.т., профессор Каримов Н.К. иҷро намудааст. Аз соли 2008 сарварии кафедраро  номзади илмҳои химия,  дотсент Олимов Н.С. ба дӯш дорад.

Дар давоми фаъолияти кафедра аз тарафи омӯзгорони кафедра барои дар сатҳи лозима ташкил ва баргузор намудани дарсҳои амалӣ ва назариявӣ  беш аз 20 китоби дарси зиёда аз 50 то дастурҳои методӣ ва 25- комплексҳои таълими методи инчунин  барои тамоми фанҳои таълимӣ саволҳои тестӣ, барномаҳои корӣ ва силлабусҳо таҳия карда шудаанд. ҳамаи ин имконият медиҳад, ки раванди таълим дар сатҳи зарурӣ ташкилу баргузор карда шуда, мутахассисони ба талаботи давру замон ҷавобгуй тайёр карда шаванд, ки онҳо сиёсати пешгирифтаи ҳукумати ҷумҳурии Тоҷикистонро дастгирӣ намуда, дар таълиму тарбияи насли навраси Ҷумҳури саҳмгузор бошанд.

 

Ҳайати омӯзгорони кафедра

1.Олимов Насруддин Солиҳович-номзади илмҳои химия, дотсент.

2.Сангов Нуриддин Набиевич-номзади илмҳои педагогӣ, дотсент.

3.Ширинзода Мирқурбон Чилла-номзади илмҳои техникӣ.

4.Ҷобиров Умед Рустамович-ассистент.

5.Мирзоев Абдухолиқ Амонуллоевич-ассистент.

6.Садриддинова Адиба-лаборант - ассистент.

Ҳамкорон:

Ҷаъфаров Амиршо Сайобидович - ассистент.


 
free pokerfree poker

 


 

Полное название: Таджикский государственный педагогический Университет имени  Садриддин Айнӣ

Адрес:, 734003, город Душанбе, проспект Рудаки 121
Телефон: +992(37) 224-13-83

WWW: www.tgpu.tj

E-mail: info@tgpu.tj