Кафедра аз соли 1960 то соли 1992 бо номи педагогика ва методикаи таълими синфҳои ибтидоӣ фаъолият намудааст. Аз соли 2013 то соли 2015 кафедра бо номи методика ва таҳсилоти ибтидоӣ ва аз соли 2015 то имрӯз бо номи кафедраи методикаи таҳсилоти ибтидоӣ фаъолият менамояд. Дар кафедра докторони илм, профессорон: А.О. Ғаффоров, Т.Б. Раҷабов, номзадони илм, дотсентон: Ҳ. Бегимов, М.Ҷалилова, И.Абдуллоев номзадони илм, муаллимони калон: Х.Ҷӯраева, С. Юсупова, муаллимони калон: М. Бадалова, Д.Табаров, А.Файзуллоев, О.Масимов, Д.Назаров, Ф. Бӯриев ассистентон: Х. Шукурзода, М. Нурова кору фаъолият менамоянд. Дар кафедра ду маҳфили илмии донишҷӯён бо номи «Хушнавис» ва «Математикони ҷавон» амал мекунад. Устодони кафедра аз рӯйи равияи «Асосҳои назариявӣ-методологии тайёр кардани муаллимони ояндаи синфҳои ибтидоӣ дар донишгоҳҳо ва коллеҷҳои омӯзгорӣ» фаъолият дошта ҳамзамон оид ба проблемаи баланд бардоштани сифату самаранокии шаклҳои гуногуни ташкили раванди таълими математика, забони модарӣ, табиатшиносӣ дар муассисаҳои таҳсилоти миёнаи умумӣ ва олӣ корҳои таҳқиқотӣ бурда истодаанд.

Дар баробари гузашан ба таълимӣ бисёрзинагӣ дар кафедра ба мукаммалгардонии нақшаҳо ва барномаҳои таълимӣ, таълими фанҳои тахассуси диққатӣ асосӣ дода мешавад. Дар солҳои охир аз тарафи устодони кафедра китобҳои дарсӣ ва дастурҳои зиёди таълимӣ – методӣ ва илмӣ тайёр карда шуда, аз чоп баромаданд. Ба монанди, “Методикаи таълими математикаи синфҳои ибтидоӣ”, “Методикаи таълими ибтидоии забони модарӣ”, “Практикуми методикаи таълими математикаи синфҳои ибтидоӣ”, Асосҳои назарияи математикаи синфҳои ибтидоӣ”, “Ташкил ва гузаронидани корҳои беруназсинфӣ дар синфҳои ибтидоӣ”, “Таърихи пайдоиши хат ва инкишофи он”, “Ҳалли масъалаҳои мантиқӣ ва истифодаи онҳо дар раванди дарсҳои математикаи синфҳои ибтидоӣ” , «Барномаи Донишгоҳи омӯзгорӣ» ва ғайра.

Дар солҳои охир аз тарафи устодони кафедра 10- китоби дарсӣ, 6- монография, 200-мақолаи илмӣ ба табъ расидааст.

Ҳайати профессорону омӯзгоронии кафедраи методикаи таҳсилоти ибтидоӣ