Солеҳов Шамсиддин Аслиддинович

Кафедраи назария ва таърихи адабиёт

Кафедраи назария ва таърихи адабиёт яке аз кафедраҳои аввалин ва қадимтарини Донишгоҳи давлатии омӯзгории Тоҷикистон ба  номи С. Айнӣ ба ҳисоб меравад. Нахуст кафедраи факултаи филология бо номи шуъбаи адабиёту забонишиносӣ соли 1931 ва бо унвони кафедраи забон ва адабиёти тоҷик таъсис ёфтааст. Нахуст устодони кафедра, ки дар ташкилёбии он саҳми бориз доштанд, инҳо адабиётшиносони варзида А.Н. Болдирев, Х. Мирзозода, М. Муродзода (ёдашон ба хайр) буданд.

Дар назди кафедра аз соли 1938 инҷониб аспирантура амал мекунад, ки то имрӯз беш аз даҳҳо нафар онро хатм намуда, рисолаҳои номзадӣ ва доктории худро дифо кардаанд. Ба корҳои илмии аспирантон ва унвонҷӯйҳо профессорони фақид Х. Мирзозода, Н. Сайфиев, С. Мирзоев, Ҷ. Бобокалонова, М. Аҳмадов, Х. Асозода, имрӯз профессорон А. Худойдодов, Ш. Солеҳов, В. Элбоев, А. Муллоев, У. Казакова, дотсентон С. Саидов, М. Қурбонов, А. Шерализода роҳбарӣ мекунанд.

Дар назди кафедра ду маҳфил: «Адибони ҷавон» ва «Адабиётшиносони ҷавон» амал мекунад, ки ба он устодони варзида профессорон Казакова У. ва  Элбоев В. роҳбарӣ менамоянд.

Устодони кафедра зери роҳбарии профессор А.Худойдодов лоиҳаи фармоиширо дар мавзуи «Таърихи робитаҳои адабии тоҷику ӯзбек» таҳия карданд, ки он барои омӯзиш ва маблағгузорӣ пешниҳод шудааст

Фаъолияти устодони кафедра доманфарох буда, дар таҳияи барнома ва иншои китобҳои дарсиву дастурҳои таълим фаъолона ширкат меварзанд. Дар ин ҷода саҳми профессорон Ш. Солеҳов, А.Худойдодов, В. Элбоев, А. Муллоев, У. Казакова, дотсентон С. Саидов, М. Қурбонов, А. Шерализода, А. Шоев, Ҷ. Муҳаммадзода калон буда, дар иншои китобҳои дарсӣ барои мактабҳои миёнаву олӣ саҳмгузоранд.

Кафедраи назария ва таърихи адабиёт аз рӯйи равияи “Қонуниятҳои  инкишофи адабиёти  ҷаҳонӣ, ҳамбастагиҳои  унсурҳои адабиёти бадеӣ” ва се масъала

1. Таърихи адабиёти классикии тоҷик (роҳбар, профессор Худойдодов А.;
2. Таърихи адабиёти муосири тоҷик(роҳбар, профессор Солеҳов Ш.);
3. Таърихи адабиёти ӯзбек (роҳбар, дотсент Муҳаммадзода Ҷ.); фаъолият  дорад.

Дар кафедраи назария ва таърихи адабиёт 15 нафар корманд ба корҳои илмӣ-таҳқиқотӣ, таълиму таъриси докторантон, магистрон ва донишҷӯён машғуланд, ки аз ин миқдор профессорон 6 нафар, дотсентон 7 ва ва боқимондаҳо муаллими калон ва ассистент мебошанд.

Имрӯз сарварии кафедраро доктори илмҳои филологӣ, профессор Ш. Солеҳов ба уҳда дорад.

Ҳайати устодони кафедраи назария ва таърихи адабиёт