Каримов Шуҳрат Бозорович 29-уми апрели соли 1983 дар кучаи С.Сайфиддинов, ноҳияи Муъминободи вилояти Хатлони Ҷумҳурии Тоҷикистон таваллуд шудааст. Соли 2001 ба факултети забони англисии Донишгоҳи давлатии омӯзгории Тоҷикистон дохил шуда, онро соли 2006 бо ихтисоси «омӯзгори забони англисӣ» хатм намудааст.

Аз соли 2006 то ҳол дар вазифаҳои ассистенти кафедраи забони англисӣ ва типологияи муқоисавӣ, омӯзгори калони  кафедраи забони англисӣ ва типологияи муқоисавӣ, методисти шуъбаи ғоибона, коргузори факултети забони англисии ДДОТ ба номи Садриддин Айнӣ, муовини декан оид ба илми факултети забони англисӣ ДДОТ ба номи Садриддин Айнӣ, мудири кафедраи забони англисӣ ва типологияи муқоисавӣ ва мудири кафедраи услубшиносӣ ва назарияи тарҷума фаъолият мекунад. Соли 2009 ба шуъбаи ғоибонаи аспирантураи ДДОТ ба номи Садриддин Айнӣ дохил шуда, онро соли 2013 хатм кард ва рисолаи номзадиашро соли 2014 ҳимоя намуд. Оиладор. Соҳиби 3 фарзанд.

КАФЕДРАИ УСЛУБШИНОСӢ ВА НАЗАРИЯИ ТАРҶУМА

Кафедраи услубшиносӣ ва назарияи тарҷума, кафедраи ҷавонтарини факултети забони англисӣ ба ҳисоб меравад.  Соли  1996 дар назди факултети забони англисии ДДОТ ба номи Садриддин Айнӣ шуъбаи тарҷумонӣ кушода шуд ва худи ҳамон сол кафедраи услубшиносӣ ва назарияи тарҷума таъсис ёфт. Аввалин мудири  кафедра Мирзоев Ҳабибулло Холович (1996-2001) буд. Баъдтар сарварии кафедра ба души номзади илми педагогика Саидова Лейла Вайсиддиновна (2001-2008) ва номзади дигари илми педагогика Авғонов Самариддин Саидович (2008-2009) вогузор шуд. Аз соли 2009 то соли 2012 номзади илмҳои педагогика Байдуллоев Аъзам Ибодуллоевич ҳамчун мудири кафедра фаъолият намуд. Аз соли 2012 то моҳи августи соли 2015  роҳбарии кафедра ба уҳдаи номзади илмҳои педагогӣ Эмомов Исматулло Боронович гузошта шуда буд. Аз авали моҳи сентябри соли 2015 инҷониб роҳбарии кафедра ба души номзади илмҳои филологӣ, дотсент Каримов Шуҳрат Бозорович вогузор гардидааст. Дар кафедра ҳоло 18 нафар омӯзгорон кор мекунанд. Аз ин шумора 1 нафар доктори илмҳои педагогика, профессор Авғонов Самариддин Саидович, 2 нафар номзади илмҳои педагогика, дотсентон Байдуллоев Аъзам Ибодуллоевич ва Корай Вурал, 1 нафар номзади илмҳои филология, дотсент Каримов Шуҳрат Бозорович, 5 нафар муаллими калон Асламов Ҳикматулло, Сатторова Нигора, Асламов Ҳикматулло, Назифова Зулайхо ва Боронов Умедҷон ва 9 нафар ассистентон фаъолияти пурсамари педагогии хешро давом дода истодаанд.

Дар ин муддат кафедра ба як қатор комёбиҳо ноил гашт. Чаҳор нафар омӯзгорони кафедра то имрӯз рисолаи номзадӣ ва як нафар рисолаи доктории хешро ҳимоя намуданд. Дар кафедра айни ҳол ду нафар аспирантон ва шаш нафар унвонҷӯён корҳои илмӣ-тадқиқотӣ мебаранд. Аз шумораи муаллимони дар боло номбаршуда рисолаи номзадии Асламов Ҳикматулло аз муҳокимаи кафедраи забонишиносӣ ва типологияи муқоисавӣ гузашта, айни ҳол барои дифоъ ба Шӯрои диссертатсионӣ пешниҳод гардидааст.

Айни ҳол дар кафедра аз рӯи 4 ихтисос таълим ба роҳ монда шудааст:

1. Забони англиси (1-02 03 06);
2. Забони англисӣ. Забони хитоӣ (1-02 03 07);
3. Забони англисӣ. Забони кореягӣ (1-02 03 07);

Забони муосири англисӣ (тарҷума) (1- 21 06 01 – 02).

Омӯзгорон