ТАЪРИХИ ТАШКИЛЁБИИ КАФЕДРАИ

ХИМИЯИ УМУМӢ ВА ҒАЙРИОРГАНИКӢ

Кафедра химияи умумӣ ва ғайриморганикӣ соли таҳсили 1957-1958 дар назди факултети табиатшиносию география таъсис ёфтааст. Дар ибтидо кафедра «Химияи умумӣ» ном дошт. Аввалин мудири кафедра н.и.х., дотсент Раҷабов Л.Ш. буда, ҳайати онро ду нафар дотсент, ду нафар муаллими калон ва ду нафар ассистентон ташкил медод.

Дар даврҳои гуногун ба кафедра: дотсентон Раҷабов Л.Ш., Мансуров М.У., Сулаймонов А.С., Юсупов М.Ю., Fаниев Х.В., Усмонов И.У., муал. калон Раҳмонов А.Р., номзади илмҳои техникӣ Камолов F.К., дотсент Ахмедов Г.А., дотсент Маҳмадмуродов А., номзади илмҳои химия, дотсент Тошов А.Ф., доктори илмҳои химия, профессор, Арбоби илм ва техникаи Тоҷикистон, дорандаи «Ҷоизаи Президенти Ҷумҳурии Тоҷикистон дар соҳаи маориф» Солиев Л., номзади илмҳои химия, дотсент Низомов И.М. роҳбарӣ намудаанд. Айни замон иҷрокунандаи вазифаи мудири кафедра бар зиммаи номзади илмҳои химия, дотсент Ҷумаев М.Т. вогузор гардидааст.

Соли 1990 кафедра номи «Химияи умумӣ ва ғайриорганикӣ»- ро гирифт. Ҳоло дар кафедра 10 нафар омўзгорон фаъолият доранд, ки аз онҳо 7 – нафар устодон дорои дараҷа ва унвони илмӣ мебошанд. Кафедра барои баланд бардоштани самаранокии таълим ҳар сол аз пажўҳишгоҳи химияи АМИТ мутахассисони варзидаро барои хондани лексия ва гузарондани машғулиятҳои амалӣ даъват менамояд.

Дар назди кафедра лабораторияи илмӣ-тадқиқотии проблемавӣ оиди бунёди усулҳои нави омўзиши системаҳои бисёркомпонента ва дар ҳамин асос такмил додани технологияи коркарди ашёи минералии табиӣ ва партовҳои саноатӣ фаъолият дорад, ки дар он унвонҷўён, магистрон, докторантони (PhD) ва докторантони илм тадқиқотҳои илмӣ мебаранд. Натиҷаҳои илмии ноилгардидаи омўзгорони кафедра дар маҷалаҳои тахассусии сатҳи баланди илмии ҷаҳонӣ, хусусан маҷаллаҳои ба рўйхати Web of Science ва Scopus дохилшаванда ба нашр расидаанд.

Кафедра бо як қатор муассисаҳои илмӣ ва таълимии ҷумҳурӣ ва хориҷи он: Институти химияи умумӣ ва ғайриорганикӣ ба номи Н.С. Курнакови АИ ФР; Донишгоҳи федералии Урал (ш. Екатеринбург); Донишгоҳи давлатии омўзгории Бошқирдистон (ш. Уфа); Донишгоҳи политехникии Самараи Федератсияи Россия, Институти кинетика ва катализи шўъбаи Сибирии АИ ФР (ш. Новосибирск); Донишгоҳи давлатии Нигерия, Институти химияи ба номи А.Б.Бектурови Қазоқистон, Институти химияи умумӣ ва ғайриорганикии Академияи илмҳои Ўзбекистон, Пажўҳишгоҳи химияи ба номи В. И. Никитини Академияи милли Тоҷикистон; Пажўхишгоҳи ГУП “ТАЛКО”, Донишгоҳи миллии Тоҷикистон, Донишгоҳи техникии Тоҷикистон ҳамкорӣ дорад.

Омӯзгорон