|
24.06.2023 08:15 |
|
ПОКИЗАГӢ МАРОМИ МОСТ
 Дар таърихи 24 июни соли 2023 тибқи дастури Вазорати маориф ва илми Ҷумҳурии Тоҷикистон ва бо ибтикори роҳбарияти донишгоҳ дар Донишгоҳи давлатии омӯзгории Тоҷикистон ба номи Садриддин Айнӣ аксияи тозагӣ баргузор гардид. Дар ин чорабинӣ ҳайати устодону кормандони донишгоҳ ширкат намуданд. Дар рафти аксия устодону кормандон гирду атрофи биноҳои таълимӣ ва ёрирасон ва кӯчаҳои ҳамшафати донишгоҳро тоза карданд.
Ҳамчунин гурӯҳи дигари омӯзгорон тасмим гирифтанд, ки кафедра ва синфхонаҳоро рангубор намуда, ба биноҳои таълимӣ зиннати тоза бахшанд. Нарм намудани бехи дарахтон, ба тартиб овардани гулу буттаҳои ороишдиҳандаи гирду атрофи донишгоҳ аз ташаббусҳои созандаи кормандону омӯзгорони ин боргоҳи маърифат ба шумор меояд.
|
|
17.06.2023 07:52 |
|
БАЛАНД БАРДОШТАНИ СИФАТИ ТАЪЛИМ ДАР МЕҲВАРИ МУЛОҚОТИ РЕКТОРИ ДОНИШГОҲ
 Имрӯз, 16-уми июни соли 2023 дар толори асосии донишгоҳ мулоқоти ректори донишгоҳ Аҳлиддин Ибодуллозода бо устодони факултетҳои химия, география, биология ва педагогика баргузор гардид. Ректори донишгоҳ оид ба амалӣ гардидани дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҷодаи баланд бардоштани савияи таълиму тарбияро баррасӣ намуда, мушкилоти дар ин замина мавҷудавро зикр намуд. Таъкид шуд, ки беҳтар шудани сифати таълим пеш аз ҳама аз савияи дониш ва ҷаҳонбинии омӯзгорон вобаста аст.Ҳарчанд дар ин ҷода пешравиҳои чашмрас ба миён омадаанд, вале ҳанӯз мушкилоти зиёде дар пеш аст. Аз ҷумла, ҳанӯз баъзе фанҳо китоби дарсӣ надоранд, миқдори мақолаҳои илмии байналмилалӣ қонеъкунанда нестанд, қисми зиёди омӯзгорон аз маъхази китобхонаи донишгоҳ истифода намебаранд, иқтидори илмии кафедраҳои факултетҳои номрафта ба талаботи имрӯза ҷавобгӯ нест, дар нақшаи таълимӣ такрори баъе фанҳо ба мушоҳида мерасанд, лоиҳаҳои илмии аксари кафедраҳо то кунун пешниҳод нагардидаанд.
|
|
16.06.2023 02:36 |
|
ҲАМКОРӢ: ТИБҚИ СОЗИШНОМА ҚАБУЛИ ДОВТАЛАБОНИ ЧИНӢ ДАР ЗИНАИ МАГИСТРАТУРА ОҒОЗ МЕГАРДАД!
 Дар асоси созишномаи ҳамкорӣ миёни Донишгоҳи давлатии омӯзгории Тоҷикистон ба номи Садриддин Айнӣ ва Ширкати “Технологияи таълими Shangdon Daliangzao”-и назди Донишгоҳи омӯзгории Ҷумҳурии Халқии Чин қабули довталабони чиниро дар шакли таҳсили фосилавӣ ва ҳузурӣ дар зинаи магистратура аз аввали соли нави таҳсил оғоз менамояд.Созишномаи мазкур дар асоси дархост ва интихоби беш аз 1000 нафар хатмкунандаи муассисаҳои таҳсилоти миёна ва коллеҷҳои Ҷумҳурии Халқии Чин таҳия ва тасвиб шуда, раёсати Донишгоҳи давлатии омӯзгории Тоҷикистон ба номи Садриддин Айнӣ ба таҳсил фаро гирифтани ин хатмкунандагонро дар зинаи магистратура ба роҳ мемонад.
|
|
15.06.2023 06:30 |
|
МУЛОҚОТИ РЕКТОР: ҲАЛЛИ МУШКИЛОТ ФАЪОЛИЯТИ НАТИБАХШРО ТАЛАБ МЕКУНАД!
14-уми июни соли ҷорӣ Аҳлиддин Ибодуллозода, ректори донишгоҳ дар асоси дастуру супоришҳои Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон вохӯрии судманд бо кормандону омӯзгорон, профессорону мудирони кафедраҳои факултетҳои матиматика ва информатика, физика, технология ва иқтисодиёт ва идора баргузор намуд.
Ректори донишгоҳ дар ҷаласа асосан ба масоили чоп намудани китобҳои дарсӣ, иҷрои сарбориҳои қисми илм, навиштани мақолаҳо дар маҷалаҳои байналмилалӣ, омода намудани дарсҳои видеоӣ, тайёр намудани шогирдон барои олимпиадаҳо, озмунҳои ҷумҳуриявию байналмилалӣ, ҳимояи рисолаи номзадӣ ва докторӣ изҳори нигаронӣ намуд.
|
|
15.06.2023 06:23 |
МУЛОҚОТ БО РЕКТОРИ ДОНИШГОҲИ ТЕХНИКИИ ПАНҶОБИ ҲИНДУСТОН
 Имрӯз, 13-уми июни соли ҷорӣ Аҳлиддин Ибодуллозода, ректори Донишгоҳи давлатии омӯзгории Тоҷикистон ба номи Садриддин Айнӣ доктор КНС Канг, ректори Донишгоҳи техникии Панҷоби Ҷумҳурии Ҳиндустонро дар доираи ташриф истиқбол намуда, мулоқот анҷом дод. Зимни мулоқот КНС Канг, ректори Донишгоҳи техникии Панҷоби Ҷумҳурии Ҳиндустонро кормандони шуъбаи равобити байналмилалии ин донишгоҳ, аз ҷумла Ҳасан Хан ва Ҳувназ Хан ҳамроҳӣ менамуд. Ректори донишгоҳ, аз ташрифовардагон изҳори қаноатмандӣ намуда, иброз дошт, ки Донишгоҳи давлатии омӯзгории Тоҷикистон ба номи Садриддин Айнӣ ҳамкорӣ дар самти корҳои илмӣ-таълимиро, ки ба рушди илми донишгоҳ мусоидат менамояд, ҳамеша ҷонибдорӣ хоҳад кард.Маврид ба зикр аст, ки намояндагони Донишгоҳи техникии Панҷоби Ҳиндустон аз синфхонаҳои дӯзандагӣ, устохонаи коркарди чубу тахта, синфхонаи технологияи мошиншиносӣ ва дуредгариву кандакорӣ, қолинбофиву атласдӯзии факултети технология ва лабораторияҳои таҳқиқотиву осорхонаҳои биологиву зологии факултети биология дидан намуда, аз вазъияти кунунии озмоишгоҳҳо ва лабараторияҳои донишгоҳ изҳори қаноатмандӣ намуданд.
|
|
15.06.2023 06:21 |
|
МУЛОҚОТИ РЕКТОР: ДАРСҲОИ ВЕДЕОӢ, КИТОБҲОИ ДАРСӢ, ВАЗЪИЯТ, ВОҚЕИЯТ, ДУРНАМО ВА ҲАЛЛИ ПРОБЛЕМАҲОИ ДОНИШГОҲ
 Нимаи дуюми имрӯз, Аҳлиддин Ибодуллозода, ректори донишгоҳ дар асоси дастуру супоришҳои Асосгузори сулҳу ваҳдати миллӣ-Пешвои миллат вохӯрии судманд бо кормандону омӯзгорон, профессорону мудирони кафедраҳои факултети филологияи тоҷик, таърих ва ҳуқуқ, баргузор намуд.Ректори донишгоҳ дар ҷаласа асосан ба фанҳои таълимӣ ва маводу китобҳои дарсӣ таваҷҷуҳи ҷиддӣ зоҳир намуда, аз вазъи норасоии китобҳои дарсии фанҳои мазкур изҳори нигаронӣ намуд.
Дар ҷаласа ректори донишгоҳ зикр кард, ки раёсати донишгоҳ ҳамаи имкониятро барои беҳтар намудани сатҳу сифати таълим ва донишандӯзӣ фароҳам овардааст ва дар ин замина устодон бояд китобҳои дарсии фанни худро омода намоянд.
Ҳамзамон дар ҷаласа зикр гардид, ки баъзе омӯзгорону докторон ва профессорони мо солиёни зиёд аз рӯи чанд фанҳои таълимӣ дарс мегӯянд, аммо мутаассифона чанде аз ин фанҳое, ки онҳо таълим медиҳанд китобҳои дарсӣ надоранд.
|
|
12.06.2023 12:10 |
|
ВОХӮРИИ ВАЗИРИ МАОРИФ ВА ИЛМ БО СОКИНОНИ ҶАМОАТЕ, КИ РЕКТОРИ ДОНИШГОҲ ОНҶО МУТАСАДДӢ АСТ!
 10-уми июни соли ҷорӣ Аҳлиддин Ибодуллозода, ректори Донишгоҳи давлатии омӯзгории Тоҷикистон ба номи Садриддин Айнӣ, ки тибқи нақшаи Вазири маориф ва илмӣ мутасаддӣ дар Ҷамоати деҳоти “Заргар”-иноҳияи Кӯшониён мебошад, аз рафти корҳои ободониву созандагии ин ҷамоати калонтарини ноҳия дидан намуд.Ректори донишгоҳ дар якҷогӣ бо гурӯҳи вазифадоршуда аз 11 мактаби таҳсилоти миёнаи умумӣ, як гимназияи барои кӯдакони болаёқату як кӯдакистони хусусӣ, корхонаи истеҳсоли равғанбарориву корхонаи коркарди “Пахта” ва беморхонаи марказии Ҷамоати деҳоти “Заргар”-и ноҳияи Кушониён дидан намуд.
Маврид ба зикр аст, ки нимаи дуюми рӯз вазири маориф ва илми Ҷумҳурии Тоҷикистон муҳтарам Саидзода Раҳим Ҳамро ба ин Ҷамоат ташриф оварда, дар толори маҷлисии муассисаи таълимии №14 бо фаъолони Ҷамоати деҳоти "Заргар"-и ноҳияи Кӯшониён дар якҷоягӣ бо раиси ноҳия мулоҷот анҷом дод.
|
|
12.06.2023 12:09 |
|
ДАР ДАВРИ НОҲИЯВИИ ОЗМУН 18 НАФАР ДОНИШҶӮЁНИ ДОНИШГОҲ МАҚОМИ ИФТИХОРИРО СОҲИБ ШУДАНД
 1-уми июни соли 2023 дар литсеи №3-и барои хонандагони болаёқати шаҳри Душанбе даври ноҳиявии озмуни ҷумҳуриявии “Илм – фӯруғи маърифат” ҷамбаст гардида, ғолибони ҷойҳои ифтихорӣ маълум гардиданд.Дар даври ноҳиявии озмун аз Донишгоҳи давлатии омӯзгории Тоҷикистон ба номи Садриддин Айнӣ 48 нафар донишҷӯёни зинаҳои мухталиф ширкат варзида, 18 нафар сазовори ҷойҳои ифтихорӣ гардиданд.
|
|
