Рӯзи 1 апрели соли 2026 маросими ифтитоҳи расмии гӯшаи фарҳанг ва адабиёти Ҳиндустон дар Донишгоҳи давлатии омӯзгории Тоҷикистон ба номи Садриддин Айнӣ баргузор гардид. Чорабинии мазкур дар доираи ташрифи муовини вазири корҳои хориҷии Ҷумҳурии Ҳиндустон Сибӣ Ҷорҷ ҷиҳати иштирок дар машваратҳои сиёсӣ миёни вазоратҳои корҳои хориҷии Ҷумҳурии Тоҷикистон ва Ҷумҳурии Ҳиндустон баргузор шуд.

Бо Фармоиши Раиси Комиссияи олии аттестатсионии назди Президенти Ҷумҳурии Тоҷикистон аз 1-уми апрели соли 2026, таҳти №101/уи, ба Зокирзода Хусрав Ҷобир омӯзгори факултети филологияи тоҷики Донишгоҳи давлатии омӯзгории Тоҷикистон ба номи Садриддин Айнӣ, дараҷаи илмии доктори фалсафа (PhD) –доктор аз рӯи ихтисос, аз рӯйи ихтисоси 6D021400 – Адабиётшиносӣ (6D021401 – Назарияи адабиёт. Матншиносӣ, нусхашиносӣ) дода шуд.

Имрӯз дар Донишгоҳи давлатии омӯзгории Тоҷикистон ба номи Садриддин Айнӣ бо иштироки ҳунармандони Театри давлатии академии драмавии ба номи Абулқосим Лоҳутӣ намоишномаи театрии «Баъди ҷанг» пешкаши аҳли раёсат, омӯзгорон, кормандон ва донишҷӯён гардид.

Бегоҳи имрӯз, баъд аз анҷоми дарсҳо, барои истироҳату фароғати устодон, кормандон ва донишҷӯён, аз ҷониби ансамбли “Чеҳранамо”-и донишгоҳ ва ҳунармандони машҳури кишвар барномаи фарҳангӣ пешниҳод гардид. Ин чорабинӣ бо барномаи ҷолибу рангин баргузор шуда, боиси хушҳолии ҳамагон гардид.

Имрӯз дар Донишгоҳи давлатии омӯзгории Тоҷикистон ба номи С. Айнӣ қабули шаҳрвандон баргузор шуд, ки дар он ариза ва дархостҳои шаҳрвандону донишҷӯён аз ҷониби ректор Аҳлиддин Ибодуллозода дар доираи қонун ва тибқи тартиб баррасӣ гардиданд.

Дар асоси нақшаи чорабиниҳои муштараки шуъбаи кор бо ҷавонони Донишгоҳи давлатии омӯзгории Тоҷикистон ба номи Садриддин Айнӣ ва Бахши кор бо ҷавонон ва варзиши ноҳияи Исмоили Сомонӣ бахшида ба ҷашни байналмилалии Наврӯз мусобиқаи варзишӣ аз рӯи намуди волейбол миёни донишҷӯдухтарони факултетҳои донишгоҳ ташкил ва баргузор гардид.

Рӯзи 30.03.2026 ректори Донишгоҳи давлатии омӯзгории Тоҷикистон ба номи Садриддин Айнӣ Аҳлиддин Ибодуллозода бо иштироки муовинони ректор, сардорони раёсатҳо, деканони факултетҳо ва мудирони шуъбаву бахшҳо ҷаласаи назоратӣ баргузор намуданд.

Дар ҷаласа як қатор масъалаҳои марбут ба таълим, тарбия, илм ва робитаҳои байналмилалии муассиса мавриди баррасӣ қарор дода шуданд.