Дар доираи чорабинӣ бахшида ба “Рӯзи Модар” як қатор занону бонувони фаъоли Донишгоҳи давлатии омӯзгории Тоҷикистон ба номи Садриддин Айнӣ барои фаъолияти пурсамар дар соҳаи илму маориф ва саҳми арзанда дар тарбияи мутахассисони ҷавон бо “Сипоснома”-и ректори Донишгоҳ, Иттифоқи касабаи кормандони маориф ва илми Ҷумҳурии Тоҷикистон, Кумитаи иҷроияи ҲХДТ дар ноҳияи Исмоили Сомонӣ ва Вазорати корҳои дохилии Ҷумҳурии Тоҷикистон қадрдонӣ гардиданд.

Дар Донишгоҳи давлатии омӯзгории Тоҷикистон ба номи Садриддин Айнӣ ба муносибати Рӯзи Модар ҷамъомади тантанавӣ баргузор гардид. Дар чорабинӣ роҳбарият, меҳмонон, омӯзгорон ва кормандони Донишгоҳ иштирок намуда, аз мақому манзалати волои занону модарон дар ҷомеа, саҳми онҳо дар тарбияи насли солим ва рушди соҳаи илму маориф ёдовар шуданд.

Имрӯз дар Донишгоҳи давлатии омӯзгории Тоҷикистон ба номи Садриддин Айнӣ бо иштироки ҳунармандони Театри давлатии академии драмавии ба номи Абулқосим Лоҳутӣ намоишномаи театрии «Баъди мурдан хоҳ биёӣ, хоҳ наё» манзури аҳли раёсат, омӯзгорон, кормандон ва донишҷӯёни муассиса гардонида шуд.

Бо пешниҳод ва дастгирии бевоситаи Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон дар ҷаласаи 43-юми Конфронси генералии ЮНЕСКО 1050-солагии Робиаи Балхӣ ба Феҳристи солгардҳои ЮНЕСКО барои таҷлил дар солҳои 2026–2027 ворид карда шуд. Ин иқдом нишонаи арҷгузорӣ ба мероси гаронбаҳои адабиёти тоҷику форс ва мақоми зан дар рушди фарҳангу маънавиёти башарӣ ба ҳисоб меравад.

Китоби дарсии «Психологияи машваратӣ», ки муаллифони он С. М. Саидмирова ва А. И. Аминов мебошанд, аз чоп баромад. Китоб дар шаҳри Душанбе аз ҷониби нашриёти «Истеъдод» соли 2026 ба табъ расида, 233 саҳифаро дар бар мегирад.

Китоби мазкур бо қарори мушовараи Вазорати маориф ва илми Ҷумҳурии Тоҷикистон аз 29 январи соли 2026, таҳти рақами 2/13, барои нашр тавсия шудааст.

Китоби дарсӣ барои донишҷӯён, унвонҷӯён, аспирантон, докторантон, инчунин омӯзгорону психологон пешниҳод гардида, метавонад дар раванди таълими фанҳои психологӣ ва машварати психологӣ дар муассисаҳои таҳсилоти миёна ва олии касбӣ мавриди истифода қарор гирад. Ҳамзамон, он барои доираи васеи хонандагон низ ҷолиб ва муфид мебошад.

Бо мақсади боз ҳам сарсабзу зебо гардонидани муҳити донишгоҳ, бо ташаббуси раёсати муассиса маъракаи гулшинонӣ баргузор гардид.

Дар доираи ин иқдом гулгашту канори роҳравҳо, саҳни биноҳои таълимӣ ва гирду атрофи майдончаҳо бо гулҳои тару тоза ва рангоранг оро дода шуданд.

Мақсади асосӣ аз ин иқдом беҳтар намудани муҳити экологӣ, баланд бардоштани завқи зебоипарастӣ ва фароҳам овардани фазои мусоиди таълиму тарбия мебошад.