КОНФЕРЕНСИЯ ДАР ДОИРАИ МАСЪАЛАҲОИ ҲУҚУҚИ БАШАР ВА  ЗАБОНШИНОСӢ

Дар таърихи 8-уми декабри соли равон дар Донишгоҳи давлатии омӯзгории Тоҷикистон ба номи Садриддин Айнӣ бо ибтикори факултети забони англисӣ ва забонҳои Шарқ ва кафедраи ҳуқуқи факултети таърих ва ҳуқуқ бахшида ба Рӯзи байналмилалии ҳуқуқи инсон ва бо мақсади амалигардонии “Барномаи давлатии такмили таълим ва омӯзиши забонҳои русӣ ва англисӣ дар Ҷумҳурии Тоҷикистон барои давраи то соли 2030” таҳти унвони “Масъалаҳои назарии забоншиносии муқоисавӣ-типологӣ, тарҷумашиносӣ ва методикаи таълими забонҳои хориҷӣ” конференсияи илмӣ-назариявии ҷумҳуриявӣ баргузор гардид. Кори кофренсияро муовини ректор оид ба корҳои илмии донишгоҳ, профессор Дониёр Сангинзод ифтитоҳ намуда, сухани муқаддимавии ректор, профессор Аҳлиддин Ибодуллозодаро қироат намуд. Сипас, дар кори конференсия директори Маркази исломшиносии назди Президенти Ҷумҳурии Тоҷикистон, доктори илмҳои ҳуқуқшиносӣ  Холиқзода  Абдураҳим  Ғафор таҳти унвони “Ҳуқуқи инсон ҳамчун арзиши олӣ дар давлати демократӣ ва ҳуқуқбунёд”,  ректори филиали Донишкадаи рушди менеҷменти Сингапур дар шаҳри Душанбе, доктори илмҳои филология  Зайниддин Мухторов дар мавзӯи “Вижагиҳои соҳавии татбиқи барномаи давлатии омӯзиши забонҳои русӣ ва англисӣ”, профессори кафедраи забоншиносӣ ва типологияи муқоисавӣ Олимҷон Қосимов дар мавзӯи “Истифодаи нави усулҳои таълим дар омӯзиши забонҳои хориҷӣ” маърӯзаҳои хешро ироа намуданд.

ИДОМАИ КУРСИ ТАКМИЛИ ИХТИСОС ДАР КОЛЛЕҶИ ОМЎЗГОРӢ

Тибқи дастури ректори Донишгоҳ, профессор Аҳлиддин Ибодуллозода дар Коллеҷи омўзгории ба номи Хосият Махсумова ҷиҳати баланд бардоштани сатҳи дониш ва касбияти омўзгорони муассисаи мазкур ва татбиқи амалии дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати баланд бардоштани сатҳи дониш ва касбияти омўзгорон курсҳои такмили ихтисос бо ишитроки устодони варзидаи Донишгоҳ роҳандозӣ гардидаанд.

ҲИФЗИ ЗАБОНИ МОДАРӢ ВА ХУДШИНОСИИ МИЛЛӢ ДАР РАВАНДИ ОМӮЗИШИ ЗАБОНҲОИ ХОРИҶӢ

Имрӯз, 8-уми декабри соли 2022 дар назди кафедраи забони франсавии факултети забонҳои романӣ-германӣ тибқи нақша, семинари навбатии илмӣ-методӣ баргузор гардид.

Дар семинар мудири кафедраи забони франсавӣ д.и.ф., Султонзода С., муовини декан оид ба корҳои илмӣ н.и.ф. Ҷурақулов Б., муаллимони калон Муҳиддинов Т., Маликов А., Бойматова Д., Ғаниева М., Султонова Ш., Одилова З. ва докторанти PhD Холов Ё. ширкат намуданд ва дар он маърӯзаи Султонзода С. дар мавзӯи «Ҳифзи забони модарӣ ва худшиносии миллӣ дар раванди омӯзиши забонҳои хориҷӣ (дар партави суханҳои Асосгузори сулҳу ваҳдат, Пешвои миллат, муҳтарам Эмомалӣ Раҳмон)» шунида шуда, мавриди баррасӣ қарор гирифт.

МАҲФИЛИ ИЛМӢ ДАР КАФЕДРАИ ФАЛСАФА

Ҷиҳати татбиқи нақша – чорабиниҳои кафедраи фалсафа ва фарҳангшиносии  Донишгоҳи давлатии омӯзгории Тоҷикистон ба номи Садриддин Айнӣ  дар таърихи 05 декабри соли 2022 таҳти  роҳбарии маҳфили илмии “Файласуфони ҷавон” номзади илмҳои фалсафа Гулов И.Ф.  ҳамоиши навбатӣ баргузор гардид. Дар маҳфили мазкур мудири кафедраи фалсафа ва фарҳангшиносӣ номзади илмҳои фалсафа Бердиев Ш.П. ва узви садорати маҳфил, номзади илмҳои фалсафа Кенҷаева Л.Э. иштирок намуда, суханронӣ намуданд. Ҳамчунин донишҷӯи факултети филология Бегзода Таманно дар мавзӯи “Ҷомеа ҳамчун низоми худинкишофёбанда”  маърӯзаи хешро ироа намуд. Мавсуф аз ҷумла зикр кард, ки моҳияти ҳаёти ҷамъиятӣ ба фаъолияту амали инсон асос меёбад. Инсон фаъолияти худро дар асоси муносибат бо дигар одамон, ки шаклҳо ва навъҳои онҳо дар тули таърих ташакул ёфтанд, амалӣ мекунад. Барои ҳамин дар кадом соҳаи ҳаёти иҷтимоие, ки фаъолияти инсон амалӣ шавад, вай доимо характери иҷтимоӣ дорад.

КОМЁБИИ ДОНИШҶӮДУХТАРОН ДАР МУСОБИҚАИ ВОЛЕЙБОЛ

Дар муддати рӯзҳои 1-6 декабри соли 2022 дар доираи чорабиниҳои Федератсияи волейболи Тоҷикистон дар байни донишҷӯдухтарони муассисаҳои олӣ ва миёнаи касбии ҳудуди шаҳри Душанбе мусобиқаи волейбол барпо гардид. Аз ҷумлаи ин муассисаҳои таълимӣ 6 даста ба даври нимниҳоӣ роҳ ёфта, миёни ҳамдигар қувва озмуданд. Дар натиҷа тими донишҷӯёни Донишгоҳи славянии Россия ва Тоҷикистон мавқеи якум, Коллеҷи тиббии ҷумҳуриявӣ мавқеи дуввум, Донишгоҳи давлатии омӯзгории Тоҷикистон ба номи Садриддин Айнӣ мавқеи сеюмро ишғол намуданд.

ДАРСИ КУШОД МАРБУТ БА МАСОИЛИ СИЁСӢ

Дар асоси нақша – чорабиниҳои  садорати факултети математика ва информатикаи  Донишгоҳи давлатии омӯзгории  Тоҷикистон ба номи Садриддин  Айнӣ дар факултети мазкур бо ташаббуси ассистенти кафедраи анализи  математикӣ Сайфуллоева З. Х. дар курсҳои дувуми ихтисоси таълими касбии фанни информатика дарси тарбиявӣ баргузор гардид. Дар дарси мазкур мақолаи таҳлилгари масоили сиёсӣ Абдуллоҳи Роҳнамо “Мавқеи Тоҷикистон ё чаро Ҷумҳурии Тоҷикистон кишвари таҷовузгар нест?” мавриди таҳлил қарор гирифт.Дар раванди дарс зикр шуд, ки аксарияти нофаҳмиҳо ва ҷангу ҷидолҳо миёни Тоҷикистону Қирғизистон ин рӯйи замину обҳои таърихиву расмии мо мебошанд. Ва боварии комил метавон гуфт, ки то имрӯз аксарияти мардуми ватандӯсти мо аз баъзе фактҳои расмиву таърихии баҳсҳои марзӣ огоҳ набуданд.