МУЛОҚОТ ҶИҲАТИ ТАВСЕАИ ҲАМКОРИҲО

Ҷиҳати рушд ва тавсеаи ҳамкориҳои дуҷониба дар таърихи 5 декабри соли 2022 дар Донишгоҳи давлатии омӯзгории Тоҷикистон ба номи Садриддин Айнӣ мулоқоти намояндагони ин муассисаи таълимӣ бо мушовири ректори Донишгоҳи давлатии шаҳри Томски Федератсияи Россия оид ба масоили марбут ба Ҷумҳурии Тоҷикистон Погодаев Н.П. баргузор гардид. Дар ҷараёни музокираи масъалаҳо муовини ректори донишгоҳ, профессор Сангинзод Д.Ш., деканони факултетҳои психология Дадабоева М., физика Назруллоев А., география Қаландаров А., муовини декани факултети математика ва информатика оид ба корҳои илмӣ Зеваршоев У., сармутахассиси раёсати илм ва инноватсия Мусомирова З., котиби шуроҳои диссертатсионӣ Усмонзода Ш. иштирок карда, доир ба масоили марбут ба табодули ҳайати омӯзгорон, унвонҷӯён, донишҷӯёни зинаҳои магистрӣ ва бакалаврӣ, таъсиси шуроҳои диссертатсионӣ, таҳияи барномаҳои муштарак конфронсҳои онлайнӣ ва амсоли инҳо гуфтушунид анҷом доданд.

МЕСЯЧНИК РУССКОГО ЯЗЫКА И ЛИТЕРАТУРЫ

Одним из средств привития любви и внимания к предметам является предметный месячник, т.к. он предполагает не только развитие у студентов интереса к предмету, но и стимулирует развитие творческих и профессиональных навыков. С 21 ноября на факультете русского языка и литературы Таджикского государственного педагогического университета имени Садриддина Айни проходит месячник русского языка и литературы, в рамках которого проводятся различные мероприятия, такие как викторины, встречи, круглые столы, конкурс стенгазет и т.п. Таким образом на факультете было проведено несколько мероприятий, такие как: эссе на тему "Что для меня - русский язык?".

ҶАЛАСА: БЕҲТАРШАВИИ СИФАТИ ТАЪЛИМ АЗ ФАЪОЛИЯТИ ОМӮЗГОР ВОБАСТА АСТ!

Имрӯз, Аҳлиддин Ибодуллозода, ректори Донишгоҳ бо иштироки муовинони ректор, аъзои раёсат ва деканони факултетҳо ҷаласаи назоратӣ баргузор намуд.

Дар ҷаласа ректори донишгоҳ масъалаҳои риояи интизоми меҳнат, фаро гирифтани омӯзгорон ба такмили ихисос, назорати имтиҳонҳои донишҷӯёни шакли таҳсилӣ фосилавӣ, давраҳои сессияи иловагӣ, баргузории вохӯриҳо бо донишҷӯёни хобгоҳ, ҳисоботи солона, таъсиси шӯроҳои нав дар назди факлтетҳо, аз қайди донишгоҳ гузаронидани донишҷӯёни курси якум, танзими стипендия, дастгирии донишҷӯёни аълохон, назорати қатъии имтиҳонҳои донишҷӯёни шакли таҳсили рӯзона ва назорати сифати таълимро мавриди баррасӣ қарор дод.

НИШОНДОДИ ФАЪОЛИЯТИ СОЛОНА ДАР ФАКУЛТЕТИ ПСИХОЛОГИЯ

Дар таърихи 3 декабри соли 2022 дар факултети психологияи Донишгоҳи давлатии омӯзгории Тоҷикистон ба номи Садриддин Айнӣ  тибқи нақша ҷаласаи ҳисоботи солонаи корҳои илмӣ – таҳқиқотӣ баргузор гардид. Тибқи талаботи муқарраршуда ҳисобот дар Шурои олимони факултет бо иштироки кулли аъзоён бо истифода аз рӯнамо (слайд) шунида шуда, осори дар ҳисобот дарҷгардида дар мавқеи алоҳида ба намоиш гузошта шудааст.Дар ҷаласа муовини ректор оид ба корҳои илмӣ, профессор Сангинзод Д.Ш., сардори раёсати илм ва инноватсия Идиев С.Б., мудири шуъбаи табъу нашр Мардонзода Ҷ., садорати факултет, мудирон ва устодони кафедраҳо ширкат намуданд. Декани факултет М.Дадобоева доир ба натиљањои фаъолияти корҳои илмӣ-тањќиќотии факултети психология дар соли 2022  маърузаи хешро ба ҳозирин ироа намуд.  Дар ҷараёни ҷаласа ҳисоботи мазкур мавриди баррасӣ ва муҳокима қарор гирифта,   ҳисоботи  фаъолияти корҳои илмӣ-тањќиќотии факултети психология дар соли 2022  қаноатбахш ҳисобида шуд.

ҚАБУЛ: МУРОҶИАТҲО ДАР ДОИРАИ ҚОНУН БАРРАСӢ МЕШАВАНД!

3-юми декабри соли ҷорӣ бо мақсади баррасии муроҷиати донишҷӯён дар доираи қонун аз тарафи ректори Донишгоҳ қабули шаҳрвандон баргузор гардид.

Зимнан муроҷиати муроҷиаткунандагон шунида шуда, ректори Донишгоҳ масъулинро ҷиҳати дар доираи қонун баррасӣ ва дастгирӣ намудан дастуру супоришҳои саривақтӣ дод.

НАТИҶАГИРӢ ВА ҶАМЪБАСТИ  КУРС – ТРЕНИНГ

Ҷиҳати татбиқи “Барномаи давлатии такмили таълим ва омӯзиши забонҳои русиву англисӣ дар Ҷумҳурии Тоҷикистон барои давраи то соли 2030”  ва дар доираи ҳамкориҳои судманд маркази такмили ихтисос ва бозомӯзии кадрҳои Донишгоҳи давлатии омӯзгории Тоҷикистон ба номи Садриддин Айнӣ  баргузории курс - тренингро ба роҳ мондааст. Мавриди зикр аст, ки курс – тренингҳои мазкур барои омӯзгорони фанни забони англисӣ бо истифода аз методҳои муосири таълими забони англисӣ ҳамроҳ бо ташкилоти ҷамъиятии “Дурахши маърифат” дар доираи лоиҳаи “Забони англисӣ бидуни сарҳадҳо” амалӣ гардид, ки  он ба муҳлати  панҷ рӯз,  дар ҳаҷми 24 – соат  пешбинӣ гардида буд.  Бояд қайд намуд, ки дар рафти баргузории даври дуюми курс – тренинг 10  нафар омӯзгорони донишгоҳ ба қайд гирифта шуда буданд ва 8 нафари онҳо, ки талаботи нақшаи пешбинигардидаро аз худ намуданд, ба гирифтани  сертификатмушарраф  гардиданд.

САНҶИШИ САТҲИ ЗАБОНДОНИИ МАГИСТРОН

Тибқи дастури ректори Донишгоҳи давлатии омӯзгории Тоҷикистон ба номи Садриддин Айнӣ, профессор Аҳлиддин Ибодуллозода ҷиҳати муайян намудани сатҳи забондонии магистрони донишгоҳ дар таърихи 30-юми ноябри соли ҷорӣ дар факултети психология аз тарафи гурӯҳи корӣ таҳти роҳбарии муовини ректор оид ба корҳои таълим Айнулозода Наҳтулло санҷиш гузаронида шуд. Ёдовар бояд шуд, ки санҷиши мазкур ҷиҳати татбиқи “Барномаи давлатии такмили таълим ва омӯзиши забонҳои русиву англисӣ дар Ҷумҳурии Тоҷикистон барои давраи то соли 2030” ва иҷрои талаботи фармоиши вазири маориф ва илми Ҷумҳурии Тоҷикистон марбут ба ҳифзи 400 вожаи серистеъмоли забонҳои тоҷикӣ, русӣ ва англисӣ ба роҳ монда шудааст.