ҶАЛАСАИ МАШВАРАТӢ

Бо мақсади мавриди иҷро қарор додани талаботи фармоиши Вазири маориф ва илми Ҷумҳурии Тоҷикистон таҳти №1337 аз 13 сентябри соли 2022 ҷиҳати омӯзиш ва азхуд кардани вожаҳои забонҳои тоҷикӣ, англисӣ ва русӣ(400 калима) дар ДДОТ ба номи Садриддин Айнӣ аз ҳисоби устодону кормандони донишгоҳ гурӯҳи корӣ таъсис ёфтааст. Вобаста ба масъалаи мазкур дар таърихи 28 октябри соли 2022  таҳти роҳбарии  ректори донишгоҳ, профессор Аҳлиддин Ибодуллозода ҷаласаи машваратӣ баргузор гардид, ки дар он аъзоёни гурӯҳи корӣ низ иштирок намуданд.

ШОИРИ АШЪОРИ ДИЛНИШИН

Тибқи нақша - чорабиниҳои Раёсати ДДОТ ба номи Садриддин Айнӣ дар таърихи 28 октябри соли 2022 дар донишгоҳ маҳфили илмӣ – адабӣ бо унвони “Хирадмандон” барпо гардид. Ба маҳфили навбатӣ узви Иттифоқи нависандагони Тоҷикистон, муовини сармуҳаррири  маҷалаи миллии адабии “Садои Шарқ” Давлати Раҳмониён даъват гардида буд, ки ӯ миёни аҳли каломи маъонӣ соҳиби ҷойгоҳи хоссаи хеш буда, ашъораш миёни соҳибдилон ҳанӯз аз оғози садаи нав мавриди баҳсу гузоришҳои аҳли илму фазл  қарор гирифтааст. 

Тибқи дастури Аҳлиддин Ибодуллозода, ректори Донишгоҳ дар Коллеҷи омӯзгорӣ мунтазам аз тарафи омӯзгорони таҷрибадори Донишгоҳ дарсҳои намунавӣ баргузор карда мешавад.Дар ин замина 24-уми октябри соли 2022 аз тарафи Ҷамила Саидова, омӯзгори соҳибтаҷриба,номзади илмҳои филологӣ, дотсент дарси намунавӣ аз фанни забони адабии ҳозираи тоҷик дар мавзуи "Давраҳои инкишофи забони адабии ҳозираи тоҷик" дар курси сеюми ихтисоси забон ва адабиёти тоҷик баргузор гардид.

ҲАМОИШИ СИЁСӢ-ФАРҲАНГӢ ТАҲТИ УНВОНИ "ҶАВОНОН ВА 30 – СОЛИ ИҶЛОСИЯ"

Имрӯз бо ташаббуси Шуъбаи кор бо ҷавонони Донишгоҳи давлатии омӯзгории Тоҷикистон ба номи Садриддин Айнӣ дар ҳамкорӣ бо Дастгоҳи марказии Иттифоқи ҷавонони Тоҷикистон бахшида ба 30 – солагии Иҷлосияи XVI-уми Шӯрои Олии Ҷумҳурии Тоҷикистон ҳамоиши ҷавонони Донишгоҳ таҳти унвони “Ҷавонон ва 30 – соли Иҷлосия” баргузор гардид.
Дар ҳамоиши мазкур сардори Раёсати кор бо ҷавонони дастгоҳи марказии Кумитаи кор бо ҷавонон ва варзиши назди Ҳукумати Ҷумҳурии Тоҷикистон Амир Иброҳимзода, роҳбари Дастгоҳи Иттифоқи ҷавонони Тоҷикистон Фаридун Ҳусензода, мудири шуъбаи кор бо ҷавонони Донишгоҳ Давлатшоҳ Каримов, раиси Иттифоқи касабаи донишҷӯёни Донишгоҳ Раҷабов Дилшод, мудири шуъбаи фарҳанг Озодамо Ашурова, мудири бахши кор бо занону духтарон Муслима Давлатова, муовинони декан оид ба тарбиявӣ ва донишҷӯёни факултетҳои Донишгоҳ иштирок намуданд. 

БАРГУЗОРИИ МАШҒУЛИЯТҲОИ ДАСТАҲОИ ОЛИМПӢ ДАР ФАКУЛТЕТИ ЗАБОНИ АНГЛИСӢ ВА ЗАБОНҲОИ ШАРҚ

Дар факултети забони англисӣ ва забонҳои Шарқ то оғози соли таҳсили ҷорӣ танҳо як гурӯҳи олимпӣ аз рӯйи фанни забони англисӣ амал мекард. Соли ҷорӣ бо ташаббуси ректори донишгоҳ муҳтарам Ибодуллозода А.И. шумораи дастаҳои олимпӣ ба се адад расонида шуда, имрӯз дар факултет се дастаи олимпӣ аз рӯйи фанҳои забони англисӣ, забони хитоӣ ва забони кореягӣ омодагӣ мебинанд. Дар дастаҳои олимпӣ донишҷӯён ҷиҳати иштирок намудан дар олимпиадаҳои ҷумҳуриявӣ ва байналмилалӣ омода мешаванд.
Маврид ба зикр аст, ки машғулиятҳои дастаҳои олимпии факултет ҳафтае се маротиба баргузор гардида, омӯзгорони ҳам соҳибзабон ва ҳам ватанӣ машғулиятҳоро мегузаронанд.
Дар таърихи 27.10.2022 машғулияти дастаи олимпии факултети забони англисӣ ва забонҳои Шарқ аз фанни забони англисӣ бо роҳбарии омӯзгори соҳибзабон хонум Айлин Ҷиаманко баргузор гардид. Дар машғулият аъзои дастаи олимпӣ ва муовини декан оид ба илми факултети забони англисӣ ва забонҳои Шарқ Мирато Комилов ширкат намуданд.