ИШТИРОКИ НАМОЯНДАГОНИ ДОНИШГОҲ ДАР ФОРУМИ РЕКТОРОНИ МУАССИСАҲОИ ТАҲСИЛОТИ ОЛИИ КАСБИИ ТОҶИКИСТОНУ БЕЛАРУС

Дар таърихи 12-уми октябри соли 2022  Форуми ректорони муассисаҳои таҳсилоти олии касбии Ҷумҳурии Тоҷикистон ва Ҷумҳурии Беларус таҳти унвони “Дурнамои инкишофи ҳамкориҳои байнидонишгоҳии Тоҷикистон ва Беларус” баргузор гардид. Дар форуми мазкур вазири маориф ва илми Ҷумҳурии Тоҷикистон Саидзода Раҳим Ҳамро, вазири маорифи Ҷумҳурии Беларус Ивантс Андрей Иванович, ректорони муассисаҳои таҳсилоти олии касбии ҷумҳуриҳои Тоҷикистону Беларус ва як зумра омӯзгорону донишҷӯёни муассисаҳои таҳсилоти олии касбии Ҷумҳурии Тоҷикистон иштирок намуданд.

ТАВСЕАИ ҲАМКОРИҲОИ ДУҶОНИБА

Дар таърихи 11-уми октябри соли 2022 дар доираи бизнес-форуми Тоҷикистону Ҷумҳурии Беларус намояндагони муассисаҳои таҳсилоти олии ин кишвар  ба Донишгоҳи давлатии омӯзгории Тоҷикистон ба номи СадриддинАйнӣ ташриф оварданд. Намояндагони мазкур дар ҳайати ректори Донишгоњи давлатии Гродно ба номи Янка Купала, хонум Китурко Ирина Фёдоровна, ректори Донишгоњи давлатии Брест ба номи А.С. Пушкин, хонум Сендер Анна Николаевна ва ректори Донишгоњи давлатии забоншиносии Минск, хонум Лаптева Наталя Евгеневна аз факултетҳои биология, таърих ва педагогикаи донишгоҳ дидан намуда, таассуроти нек бардоштанд.

ҶАЛАСА БО КОРМАНДОНИ ҚИСМИ ИЛМИ ДОНИШГОҲ

Дар таърихи 10 октябри соли 2022 таҳти  садорати муовини ректори ДДОТ ба номи Садриддин Айнӣ оид ба корҳои илмӣ, профессор Сангинов Д.Ш. ҷаласаи васеи бахши илм ва инноватсия баргузор гардид. Дар ҷаласаи мазкур кормандони бахши мазкур ва муовинони деканони факултетҳо оид ба илм иштирок намуданд. Дар рӯзномаи ҷаласа масоили зерин мавриди муҳокима пешбинӣ гардида буд:

ҲАМОИШИ ИЛМӢ БАХШИДА БА ИДИ МЕҲРГОН

Дар таърихи 11 октябри соли 2022 бо ибтикори факултети педагогикаи ДДОТ ба номи Садриддин Айнӣ бахшида ба ҷашни Меҳргон, ки  аз ҷашнҳои бисёр бузург ва бофарру шукӯҳи аҷдодони мо дар аҳди бостон будааст, ҳамоиши илмӣ баргузор гардид. Тибқи суханони устоди факултети мазкур Салим Тағоев, ки дар ҳамоиш ироа гардид, Меҳргон баъд аз Наврӯз дуюмин ҷашни бузурги миллӣ ва фурӯғмандтарин намоди суннатии дерини фарҳанги ориёӣ аст. Ҷашни Меҳргон ҷашне буд, ки аз қадимулайём байни ниёгони мо қайд карда мешуд ва дар сарзаминҳои Шарқу Ғарб интишор ёфта буд. Аз тарафи дигар, ҷашни Меҳргон ҷашни тавлиди Меҳр, ҷашни худовандгори аҳду паймон ва маросими шукӯҳмандию пирӯзии инсон аст.

ҲИМОЯИ РИСОЛАИ НОМЗАДӢ ДАР БАХШИ ПЕДАГОГИКА

Дар таърихи 8-уми октябри соли ҷорӣ устоди донишгоҳ  Разоқов Хуршед Соҳибназарович рисолаи илмии номзадии худро дар мавзӯи “ Истифодаи афкори педагогии мутафаккирони  форсу тоҷики асрҳои X–XI ва анъанаҳои миллӣ дар тарбияи ҳарбӣ-ватандӯстии хонандагони  синфҳои болоӣ” дар дар шурои муштараки диссертатсионии 6D.KOA-002-и назди Донишгоҳи миллии Тоҷикистон ва Академияи таҳсилоти Тоҷикистон таҳти роҳбарии доктори илмҳои педагогӣ, ректори Донишкадаи тарбияи ҷисмонии Тоҷикистон ба номи С. Раҳимов Сафаров Шодӣ Асомуродович бомуваффақият ҳимоя намуд.

ТАҶЛИЛИ РӮЗИ ЗАБОНИ ДАВЛАТӢ ДАР ХОБГОҲ

Дар таърихи 5-уми октябри соли 2022 дар хобгоҳи № 6-и Донишгоҳи давлатии  омӯзгории Тоҷикистон ба номи Садриддин Айнӣ  чорабинии фарҳангиву фароғатӣ бахшида ба Рӯзи забони давлатӣ  баргузор гардид. Дар чорабинии мазкур муовини ректор оид ба корҳои тарбиявии Донишгоҳ Нигора Назарзода, мудири шуъбаи кор бо ҷавонон Давлатшоҳ Каримов, раиси иттифоқи касабаи донишҷӯён Дилшод Раҷабов, коменданти хобгоҳ ва омӯгорону донишҷӯён ширкат варзиданд.