ФАЪОЛИЯТИ ИЛМӢ ҶУЗЪИ АСОСИИ ФАЪОЛИЯТИ МЕҲНАТИИ ОМӮЗГОРИ ДОНИШГОҲ АСТ

Яке аз муҳимтарин вазифаҳое, ки дар назди тамоми донишгоҳои кишвар меистад, муқаррар намудани таносуби оқилона байни фаъолияти таълимӣ ва илмии омӯзгорон мебошад. Мутаассифона дар баъзе мавридҳо ҳангоми баҳо додан ба фаъолияти касбии омӯзгор ба фаъолияти илмии ӯ кам таваҷуҳ карда мешавад. Касб ва обруи омӯзгори донишгоҳ ба натиҷаи кори таълимии ӯ вобаста карда мешавад ва аксари омӯзгорон дар ҷараёни таълим ғутта зада, аз пешбурди тадқиқоти илмӣ дур мешаванд. 

НИШАСТИ МАТБУОТӢ: БАРОИ ТАҶРИБАОМӮЗОН БИНОИ НАВИ 2-ОШЁНА СОХТА МЕШАВАД

Имрӯз дар Донишгоҳи давлатии омӯзгории Тоҷикистон ба номи Садриддин Айнӣ бо иштироки намояндагони васоити ахбори оммаи кишвар нишасти матбуотӣ баргузор гардид.Нишасти матбуотиро Аҳлиддин Ибодуллозода, ректори Донишгоҳ, ифтитоҳ намуда, аз дастовардҳои назарраси устодону донишҷӯёни донишгоҳ дар самти илм, таълим, тарбия, робитаҳои байналмилаливу хоҷагидорӣ дар ҳузури рӯзноманигорон ёдовар шуд.

РАИСИ ТАШКИЛОТИ ИБТИДОИИ ҲИЗБИИ “ОМӮЗГОР” ИНТИХОБ ГАРДИД

Имрӯз дар Ташкилоти ибтидоии ҳизбии Донишгоҳи давлатии омӯзгории Тоҷикистон ба номи Садриддин Айнӣ, ки таҳти унвони “Омӯзгор” фаъолият менамояд, маҷлиси ҳисоботӣ-интихоботӣ баргузор гардид. Дар ҷаласа Хайринисо Юсуфӣ, муовини раиси Ҳизби Халқии Демократии Тоҷикистон, Иброҳим Мирзозода, раиси Кумитаи иҷроияи Ҳизби Халқи Демократии Тоҷикистон дар шаҳри Душанбе, Аҳлиддин Ибодуллозода, раиси ташкилоти ибтидоии ҳизбии “Омӯзгор”, Ҷумахон Ҷурахонзода, муовини раиси Кумитаи иҷроияи Ҳизби Халқи Демократии Тоҷикистон дар ноҳияи И.Сомонӣ, Умринисо Казакова, раиси собиқадорони Кумитаи иҷроияи Ҳизби Халқи Демократии Тоҷикистон дар шаҳри Душанбе ва аъзои ташкилоти ҳизбӣ иштирок намуданд.

ТАҶРИБАОМӮЗОН ҲАМЕША ТАҲТИ НАЗОРАТИ РАЁСАТИ ДОНИШГОҲ ҚАРОР ДОРАНД!

Имрӯз дар асоси дастури ректори донишгоҳ Наҳтулло Айнуллозода-муовини ректор оид ба корҳои таълимӣ, Искандар Сулаймонов-сардори раёсати таълим аз рафти таҷрибаомӯзии саҳроии донишҷӯёни факултети химия дар боғи “Агробиолабораторӣ”-и Донишгоҳи давлатии омӯзгории Тоҷикистон ба номи Садриддин Айнӣ, ки дар дараи Ромит ҷойгир аст, дидан намуданд.

ШАНБЕГӢ-БАҲРИ ПОКИЗАГИВУ ОБОДОНӢ

Имрӯз кормандону омӯзгорони Донишгоҳи давлатии омӯзгории Тоҷикистон ба номи Садриддин Айнӣ шанбегии умумӣ баргузор намуданд.

БА ГУЗАШТАГОН ЭҲТИРОМ МЕГУЗОРЕМ

Имрӯз омӯзгорони Донишгоҳи давлатии омӯзгории Тоҷикистон ба номи С.Айнӣ дар асоси муроҷиатномаи Раиси шаҳри Душанбе муҳтарам Рустами Эмомалӣ ҷиҳати ба “Шаҳри гулрез” ва тозаву озода табдил додани пайтахти кишвар  дар оромгоҳи Чоряккорони ноҳияи Синои шаҳри Душанбе  шанбегӣ баргузор намуд.

ФАЪОЛИЯТИ МАТБААИ ДОНИШГОҲ БОЗ ҲАМ БЕҲТАР МЕШАВАД

Муовини ректор оид ба корҳои илмӣ аз матбааи донишгоҳ дидан намуда, бо фъолияти кормандони матбааи донишгоҳ аз наздик шинос гардид.

Матбаа барои нашри маводҳои чопӣ бо дастгоҳи чопии ҳозиразамони тамғаҳои резограф, термоклей ва принтери ранга таъмин буда, дар ин замина, дар асоси дастрасии шароити мусоиди корӣ ҳамарӯза нашри китобҳои илмӣ-оммавӣ, монографияҳо, автореферат, маҷаллаҳо, дастурҳо, барномаҳои таълимӣ, ҳуҷҷатҳои муҳосиботӣ ва ғайраро рӯи чоп меорад.